أخر الاخبار

حب لا يموت


imagesالحب الحقيقى هو الحب الذى لا يموت

انا طالبة بالجامعة واحب ان اذاكر بالليل وكل يوم  الساعة 3 صباحا اقف فى الشباك

عشان اشم شوية هواء نقى وارجع تانى اكمل مذاكرة

المهم كل لما اقف فى الشباك بلاحظ سيدة عجوز تصلى من الساعة 3 الى حوالى الساعة 6 كل يوم

حد متخيل معايا بتقف تصلى 3 ساعات متواصلة وهى واقفة وهى امرأة عجوز!

استغربت جدا وقولت لازم اروح اسالها وكان الحوار كالاتى …

السلام عليكم ياحجة

عليكم السلام يابنتى

احنا جيران وكنت بس عايزة اسأل حضرتك عن حاجة واسفة لازعاج

قالتلى خير يابنتى اتفضلى

قولتلها انا كل يوم وانا بذاكر بشوف حضرتك بتصلى 3 ساعات متواصلة 

كنت عايزة اعرف دة من شدة حبك للصلاة ولا فى حاجة تانية؟

ضحكت وقالتلى طيب اتفضلى مش هسيبك واقفة على الباب

وقالتلى مين فينا مش بيحب الصلاة بس الحكاية كلها انى حبيت واحد وانا صغيرة

المهم قررنا نرتبط بس عشان ظروفة قالى الارتباط بعد خمس سنين

وفى الفترة دى كل واحد فينا يصلى قيام الليل ويدعى اننا نكون لبعض

وفعلا عملنا كدة والصلاة كانت بتحسسنى ان الوقت هيمر بسرعة

عشان نكون لبعض ومرت الخمس سنين واتجوزنا وفضلنا نصلى قيام الليل كل يوم مع بعض

عشت معة43 سنة من اجمل سنين عمرى بس ربنا كتبلى ان اكمل عمرى لوحدى

من 6 سنين وفضلت اصلى بس بصلى عدد الركعات مرتين مرة لية ومرة لية

وبدعى فى الصلاة انة يكون فى الجنة مستنينى

انا بكيت من القصة وهى ضحكت وقالتى عرفتى الحكاية 

لازم كل يوم تيجى تسالى عليا قولتلها حاضر ومشيت

وفضلت اسأل نفسى هو فى حب كدة!

امرأة عجوز ومحدش هيسالها لو مصلتش لية وبتدعيلة وبتنسى تدعى لنفسها

الحب هو سر الحياة واذا افتقدناة انتهت الحياة

HaMeS

اضف رد

لن يتم نشر البريد الإلكتروني . الحقول المطلوبة مشار لها بـ *

*