أخر الاخبار
الرئيسية / كتابات / قصص رومانسية / الحب مش بالسن !

الحب مش بالسن !

الحب مش بالسن

سألت نفسي مليون سؤال عن حاجات كتير كانت ايام الطفولة ، هو انا ليه محبتش وانا طفل صغير او هل انا حبيت ومش فاكر ولا اهلى علمونى ان ده شئ غلط وميصحش ومينفعش اركز فيه واركز فى مستقبلي وبس وبصراحة مش فاكر اى حاجة

الفكرة مش فى كدة الفكرة انى عارف ان من واحنا صغيرين .. بعد مرور الوقت تفيكرنا بيتغير وبيكبر معانا والجسد بيتغير والملامح مبتفضلش على حالها لكن مسمعتش حاجه عن القلب ،، قلبنا هو هو وذكرياتنا الحلوة بنفتكرها بقلبنا مش بعقلنا عشان كده دايما يقولوا ليك الشخص ده قلبه ابيض يعنى بيسامح بسرعه وبيفتكر الحاجات الكويسة والشخص ده قلبة اسود يعنى بيفتكر الحاجات تزعل ده تعبيير مجازى !

ان الواحد يحب من وهو صغير وحبه يكبر معاه يوم ورا يوم فى كل مراحل حياته لحد ما يخلص دراسته ويعرف انه حب دام لسنين و  سنين دى فى حد ذاتها حاجة جميله جدا ويتعملها الف حكايه ويتحاكى بيها قدام الناس كلها

بس المشكلة هنا المجتمع اللى احنا عايشين فيه بيجرم ” الحب ” ودايما العلاقات دى بتكون فى السر لا يعلم عنها الاهل سواء من الولد او البنت وسواء فى سن صغير او فى سن كبير ، غير مسموح بيها يعنى غير مسموح بيها

طبعا الناس اللى بتقرا دلوقتى هتقولي طيب انت ترضى لبنتك تحب ؟

هرد عليك واقولك بمنتهى الصدق والامانة هقولك ان ده بيتوقف على تريبتك لبنتك ، ليه متعودش ابنك دايما او بنتك يكون صديق ليك ويشاركك افكارة ويقولك كل صغيرة وكبيرة عن حياته بمنتهى الاحترام ومن غير زعل او قفش او اسلوب غير لائق نحاول نحل لو فيه مشكله .. طيب لو مفيش مشكلة ؟

لو مفيش مشكلة هنبص للموضوع بشكل عقلانى .. لو البنت فى سن ينفع تتخطب والولد فى سن ينفع يخطب فيه انا مش همنع ده وهبقى اول الناس اللى بتحاول تأيد موضوع عن حب صحيح نهايته دخول بيت من باب ، مش احسن ما يكون من ورايا ومعرفش عنه حاجه ؟ ولكن لكل فعل رد فعل وهيكون الموضوع فيه كلام على الاقل من الطرفين وفيه حاجات كتير هتتمنع وهيبقى مصرح بيها وقت الخطوبة وحاجات ممنوعة وقت الخطوبة مصرح بيها وقت الجواز وهكذا .. لكن فى السر طبعاً مش حلو اطلاقا

لكن المجتمع الشرقى اللى احنا دافنين نفسنا فيه عاداته وتقاليدة غلط تماما وبتقتل دايما الطموح لدرجة ان فيه ناس متعرفش معنى الحب لحد انهاردة وسنهم عدى السن القانونى 😀

على فكرة الشخص يقدر يوفق ما بين دراسته وما بين حبيبته ، يقدر يوفق ما بين شغله وما بين حبيبته ، يقدر يوفق ما بين اهله وما بين حبيبته .. البنى ادمه اللى هيرتبط بيها مش هتاثر على اى حاجه بالعكس ممكن تقدمله حاجات ناس كتير متقدرش تقدمها والحب الحلال مفيش احسن منه

وعلى فكرة الحب مش بالسن ( الحب يصنع المعجزات )

3 تعليقات

  1. ماشاء الله عليك فعلا كلامك صح

  2. نـــايــس كـلام يا مــكـاوى بجد يسلمو

  3. كلام منطقي جدا ربنا يوفقك

اضف رد

لن يتم نشر البريد الإلكتروني . الحقول المطلوبة مشار لها بـ *

*