أخر الاخبار
الرئيسية / ادم وحواء / موضة الشباب / تعرفي علي انواع الصبغات الخالية من الامونيا

تعرفي علي انواع الصبغات الخالية من الامونيا

13015530_882069555237030_5576225382401319080_n

كتير من البنات بيحبوا يصبغوا شعرهم ويغيروا في لونه باستمرار او احيانا البعض بيكون مضطر يصبغ عشان يداري الشعر الابيض بس بتكون المشكلة ان الشعر من كتر الصبغة بيتلف وينشف ويبوظ وبيبقى مقصف وده بيسبب تساقطه

لكن دلوقتي المشكلة دي بقى ليها حل لان في ماركات كتير من الصبغات نزلت انواع الصبغات الخالية من الامونيا عشان تقدري تصبغي وتغيري لون شعرك من غير ما تضريه..

 ايه هي الامونيا أصلا ؟ 😀 
الامونيا دي المادة اللي بتفتح مسامات القشرة الخارجية للشعر عشان تخلي الشعر ياخد اللون وطبعا الصبغات اللي بتحتوي على الامونيا بتدي لون اقوى للشعر لكن في نفس الوقت بتأثر بشكل سلبي على القشرة الخارجية للشعر وبتسبب تلف البروتين اللي في القشرة الخارجية للشعر وبتخليه يفقد رطوبته وده اللي بيخلي الشعر ينشف ويتقصف بعد الصبغة 

طيب ايه انواع الصبغات الخالية من الامونيا؟

12986982_882069938570325_8263360262240409778_n

* ريفلون لوكسوريوس كلر سيلك Revlon Luxurious Color Silk:
من الصبغات الحلوة جدا الخالية من الامونيا وبتغطي الشعر الابيض تغطية كاملة وبتغذي الشعر لانها بتحتوي على زبدة الشيا المفيدة اللي بتساعد على ترطيب وتنعيم الشعر وزبدة جوز الهند اللي بتخلي الشعر صحي وبيلمع..
سعرها:55 جنية

 12592356_882069635237022_4212828942032092430_n

* صبغة كليرول ناتورال انستينكتس Clairol Natural Instincts:
الصبغة دي من الصبغات الخالية من الامونيا وفيها عناصر مفيدة جدا في مكوناتها زي مستخلص الصبار وفيتامين E وزيت جوز الهند وبتدي ترطيب للشعر بنسبة 80% وبتغطي الشعر بكثافة والصبغة اختبرها خبراء الجلدية واثبتوا انها آمنه على الشعر جدا
سعرها : 80 جنية

13000355_882069715237014_5250055025583506600_n

* لوريال هيلثي لوك L’Oreal Healthy Look :
لوريال طبعا من الماركات المعروفة جدا وهي ماركة فرنسية وصبغتها من احلى الصبغات للشعر دلوقتي نزلوا نوع خالي من الامونيا وهو لوريال هيلثي لوك الصبغة دي لتغذي الشعر ومش بتضره لان فيها مواد طبيعية مفيدة زي غذاء ملكات النحل والرمان الطبيعي بتقضي على اي شعر ابيض وبتدي لون كثيف للشعر واللون بيدوم على الشعر لمدة 28 غسلة..
سعرها: 80 جنية

12993405_882069761903676_2377444857210324849_n

* جارنييه نوتريس نورشينج Garnier Nutrisse Nourishing:
جارنييه كمان من الانواع الخالية من الامونيا وبتديكي لون غني وطبيعي اوي وبتغذي الشعر وبترطبه وبتنعمه لان مكوناتها فيها زيت الافوكادو وبذور العنب وبتغطي الشعر الابيض بشكل كامل والميزة في الصبغة دي انها فوم يعني زي الشامبو وده هيخليكي تعمليها لنفسك بسهولة..
سعرها: 55 جنية

ودي ألوان صبغات تليق علي البشرة القمحاوية

Captuنre

 Capتتture

Capيture

images (6)

فــــــاطمة 

2 تعليقان

  1. حبيبتى بقا ايون كده نايس مقاله يا قلبى تسلم ايدك توتا

  2. حبيبتي ياخوختي تسلميلي <3

اضف رد

لن يتم نشر البريد الإلكتروني . الحقول المطلوبة مشار لها بـ *

*