أخر الاخبار
الرئيسية / ادم وحواء / فرحك من شخصيتك

فرحك من شخصيتك

th

 

لازم تعرفي شخصيتك نوعها إيه؟! قبل ما تتعاملي مع أي متخصص في المكياج أو في الشعر أو حتى في الفستان فمثلا فيه شخصيات كلاسيك وشخصيات مودرن شوفي أنت مين فيهم واعملي فرحك من شخصيتك...

احب اقول ان الفرح وكل التفاصيل دى بتفرق اوى مع البنات وخصوصا لان ده اليوم اللى طول عمرها بتحلم بيه وان كل حاجه متأجله لليوم ده وكل ماكانت تقول نفسي في حاجة يتقالها يوم فرحك ابقي اعملي لما تتجوزي ابقي اعملي خلاص بقي يوم فرحك افتري واعملي كل اللي نفسك فيه بس يكون مناسب لشخصيتك ازاي دي بقي هقولك عنها حالا اهو ..

الشخصية الكلاسيكية أو (الهادية)

مكياجها
في الفرح لازم يكون هادئ، لأنها بطبيعتها مابتحطش مكياج كتير في الأيام العادية، وفي الفرح ألوان الآيشادو أو ظل الجفون لازم تكون ألوان فاتحة وبسيطة زي “الروز” و”الموف“و”البيج“،وكمان رسمة العين تكون رقيقة ومافيهاش أسود كتير يعني لون واحد فاتح على الجفن وماسكرا، وممكن لون فاتح جوه العين زي “الأخضر” أو “الأزرق” أو”الفضي“….
وألوان الروج لازم تكون هادية زي ألوان الآي شادو علشان تبقى متناسقة مع بعضها، وبيبقى عبارة عن ملمع فقط، وكل الألوان دي بتليق على البشرة الفاتحة والبشرة الخمرية.

فستانها

يكون بسيط جداً لونه “أوف وايت” أو “أبيض” بس تطريزه قليل قوي.. وطبعا لو محجبة بتلبس بادي تل سادة، وفيه تطريز على اللياقة والكم، أما الطرحة لو كانت دورين أو إسبانش برضه تطريزها قليل من الطرف بس البندانا بتكون تل سادة أو عليها تطريز خفيف زي الفستان...

ولو غير محجبة تسريحة شعرها شينيون هادي، وممكن تحط وردة صغيرة على جنب أو تاج بسيط ألماظ والحلق على قد الودن لولي أو ألماظ…كمان العروسة الكلاسيك ممكن فرحها يبقى “أوبن إير” يعني خارجي بالنهار في فيلا أو جنينة أو حتى على حمام السباحة في فندق.

الشخصية المودرن أو (الشقية)

المكياج
في الفرح لازم يبقى جريء، لأن في الطبيعي بتاعها بتحط ميك آب واضح وكتير، وألوان الآيشادو يفضل إنها تكون غامقة زي “الأسود” و”البني” و”الموف البتنجاني”، وكمان رسمة العين “سموكي” أو “أسود مدخن” و”رموش تقيلة”… وألوان الروج فهي إما أن تكون “أحمر“، “فوِشيا“، أو “موف” وممكن جليتر على الآي شادو والروج…

الفستان
فبيكون مليان تطريز وأحجار وممكن كمان تحط ورد في الفستان زي “الموف” أو “الأخضر”، والطرحة مطرزة من الأطراف تطريز خفيف عشان الفستان فيه تطريز كتير والبندانا تكون تل مطرزة وممكن تاج ألماظ كبير عليها.. ولو غير محجبة ممكن تغير لون شعرها يبقى هاي لايت أصفر أو أحمر وتسريحتها تبقى مرفوعة وعليها إكسسوار ألماظ، والحلق يبقى كبير وبيلمع.. أما الفرح فبيكون في قاعة كبيرة في فندق أو في نادي كبير.

اضف رد

لن يتم نشر البريد الإلكتروني . الحقول المطلوبة مشار لها بـ *

*