أخر الاخبار
الرئيسية / كتابات / عشان توصل لراحة الضمير والنعيم الدايم

عشان توصل لراحة الضمير والنعيم الدايم

1979594_678305258882834_1099647992_n

مش عيب اننا نغلط العيب اننا نستمر في الغلط النهاردة حصل معايا موقف خلاني اعد التفكير في الاسلوب الي انا ماشية بيه 

بتيجي أوقات تحس فيها إن الدنيا ماشية بالعكس معاك في كل حاجة !
تعكس نفسك معاها ترجع تتعدل , تتعدل انت ترجع هي تمشي عكس تاني 

أقولك خليك ماشي على مبادئك اللي انت مقتنع بيها
حتى لو كل حاجة بقت زيرو على الشمال 
يكفيك شرفا إنك فضلت ثابت على مواقفك رغم الهم والضغط اللي انت تحته 

اوعى تقول لنفسك الغاية تبرر الوسيلة
لإن كل الإغراءات اللي حواليك دي مجرد اختبارات زايلة
وانك تعف نفسك عنها ده اللي هيوصلك لراحة الضمير والنعيم الدايم

بطل تعاقب نفسك على اخطاء الماضى:
الى حصل حصل خلاص، مافيش حاجة ممكن ترجع الزمن او تغير الماضى,الحاجة الوحيدة فى ايدك انك تتعلم ماتغلطش نفس الغلط تانى وتتعلم ازاى ممكن يفيدك فى مستقبلك
انما عقاب نفسك بقية حياتك على اخطاء قديمة مش هايحل ولا هايضيف حاجة

 بطل تخاف تغلط:
كلنا غلطنا فى مرحلة ما فى حياتنا وهانفضل نغلط لحد ماتموت
ماتخافش تغلط .. خاف انك تندم انك ماحاولتش

 بطل تحاول انك تشترى السعادة:
السعادة غريزة اساسية، مابتجيش غير من جواك مافيش حاجة ولا حد فى الدنيا ممكن يخليك سعيد لو انت مش سعيد من جواك

بطل تتمسك بالماضى على حساب مستقبلك:
الماضى عامل زى مرايا العربية لازم كل شوية تبص تتأكد انك ماشى صح بس لو ركزت فيه زيادة عن اللزوم مش هاتشوف انت ماشى فين ولا ايه اللى جاى فى وشك

بطل تدى الناس مساحة انها تتحكم بمشاعرك:
الاسهل من ان الانسان يغير من نفسه انه يحاول يغير الناس علشان تمشى على مزاجه
انت عملت كده مع غيرك وغيرك بيعمل كده معاك سواء قاصد او لأ سواء بنية كويسه او لأ
ماتسمحش لحد انه يتحكم فى مشاعرك  عيش زى ما انت عايز تعيش مش زى ما الناس عايزاك تعيش بطل تدخل علاقات للاسباب الغلط:
كلنا بنمر بضغوط فى الحياة بأشكال مختلفة (اسرية، عائلية، مادية، إجتماعية، نفسية…) بس الدخول فى العلاقات بسبب الضغوط دى يبقى هروب من المشكلة اللى انت فيها بمشكلة اكبر
لو مش مقتنع تماما بعيدا عن اى ضغوط ان الطرف التانى هو نصك التانى  نصيحة ماتدخلش

بطل تمشى مع التيار:
ماشى مع التيار يعنى ماعندكش خطة لحياتك
بتصحى تبتعمل الي متعود عليه وترجع تنام علشان تصحى تعمل تاني نفس الي انت متعود عليه اللى انت غالبا مش طايقه بس مضطر
فيه حاجات كتير ممكن تبقى مضطر تعملها لإعتبارات معينة . بس مش معنى كده انك تعتبر ان الاضطرار دا هو حياتك
لازم يبقى ليك خطتك فى الحياة ورؤيتك الخاصة بيك مش كل اللى بينفع الناس بالضرورة ينفعلك ولا كل اللى بيبسط الناس بالضرورة بيبسطك

بطل تقارن نفسك بحد:
كل واحد فينا له تجربتة فى الحياة
ومافيش تجربة ولا حياة بتتطابق بين اتنين ابدا
يعنى ماينفعش يبقى حد شبه التانى فى كل حاجة وهو دا سر تميزنا
يعنى انت فى حد ذاتك مميز ومختلف عن اى حد يعنى مش شرط اللى ينفع لناس معينة ينفعلك انت كمان
دور على اللى ينفعلك انت حاجة تكون بتاعتك انت حاول تبقى إنسان احسن من اليوم اللى قبله دا كفاية قوى

 بطل يفرق معاك كلام الناس:
كل واحد بيشوف الحياة من وجهة نظره هو يعنى اى شخص هايقولك رأيه فى حياتك بيقولها لو هو اللى كان مكانك بظروفه الحالية كان عمل ايه وبالتالى النتيجة هاتبقى مختلفة تماما عن واقعك انت

 بطل تحاول انك تبقى شخص تانى غير نفسك:
ماتحاولش تبقى اى حد تانى غير نفسك لأنك حتى لو تصورت انك نجحت تبقى زى شخص تانى فاتبقى مجرد نسخة مكررة او بهتانه منه
انت ممكن تكون احسن من الشخص اللى انت عايز تبقى زيه لو بس انت اشتغلت على نفسك
ممكن تشوف الصفات اللى انت عايزها تبقى فيك وحاول تحسنها فيك من غير ما تقلد حد

 بطل تهرب من مشاكلك و مسؤولياتك:
المشاكل والمسؤوليات اللى بتمر علينا فى حياتنا مش مهمتها انها تنغص علينا حياتنا، هدفها انها تخلينا نتطور للأحسن
تخيل حياتك لو ماحصلش فيها المشاكل او المسؤوليات اللى عدت عليك كنت هاتبقى بنفس القوة والادراك اللى انت عليهم دلوقتى؟!
لو مش قادر تحس بالفرق اللى شكلته مشاكلك وتأثيرها فى حياتك يبقى انت ماتعلمتش اللى كان المفروض تتعلمه من المشكلة او المسؤولية اللى انت كنت فيها، وبالتالى هاتفضل تلف فى دواير مفرغه مابتخلصش ولا بتعرف تطلع منها
قرارك انك تواجه المشكلة هو 50% من حللهاالباقى انك تواجه فعلا

بطل تعمل حاجة لمجرد انها عادة:
لو الحاجة اللى بتعملها مش بتبسطك بطلها
طبعا في حاجات مش هاينفع تبطلها بالسهولة دى فكر ازاى هاتقدر تبطلها على المدى القصير او الطويل
المهم لو مش بتبسطك بطلها

بطل تدافع عن نفسك قدام الناس:
اللى عايز يصدق كلامك هايصدقك
واللى مش عايز يصدق كلامك هايفضل مش مصدق
واللى عايز يستفهم منك هايسألك
ماتشغلش بالك كتير كل واحد هايشوفك بالشكل اللى هو عايزه بغض النظر عن رأيك انت 

 بطل تبص على اللى فى ايد الناس:
“لو فرضنا ان نعم الله التى ليس لها عدد تساوى 24 قيراط، هاتلاقى كل إنسان واخد ال 24 قيراط بتوعه كاملين بس واخدهم مشكلين
هاتلاقى اللى واخد 10 قيراط مال + 7 صحة + 1 زوجة صالحة + 2 علم + 4 راحة بال
وهاتلاقى واحد غيره واخدهم كلهم برضه بس بشكل مختلف
بس كلة واخد ال 24 قيراط

 

تعليق واحد

  1. فعلا كلامك صح 100% , وخصوصاُ كلام الناس وإنك تبقا إنت وترضى باللي ربنا قسمه لك , هنكون بإذن الله اسعد ناس في الدنيا , تسلم ايديكِ الحلوين ع الكلام الجميل ده .

اضف رد

لن يتم نشر البريد الإلكتروني . الحقول المطلوبة مشار لها بـ *

*