أخر الاخبار
الرئيسية / ادم وحواء / المطبخ / افكار لعمل الشوربة في رمضان

افكار لعمل الشوربة في رمضان

افكار-جديدة-لعمل-الشوربة.3-768x395

هنعرف في موضوعنا انهاردة انواع من الشوربة مفيدة وجديدة تبقي من اطباقنا في رمضان ..

شوربة-البطاطس-والجزر

شوربة البطاطس والجزر:

المقادير:

 5 حبات جزر كبيرة مبشورة.

 3 حبات بطاطس متوسطة مبشورة.

 بصلة صغيرة متقطعة ناعم.

 فصين ثوم مفرومين.

 نص كوباية كريمة طبخ.

خمس كوبايات مرقة.

 ملح – فلفل – كمون.

 2 معلقة كبيرة زيت.

طريقة التحضير:

هنسخن الزيت ونضيف له البصل ونشوحه لحد ما يدبل من غير ما يحمر يادوب يدبل بس وبعدين نضيف عليه الثوم والجزر والبطاطس والملح والفلفل والكمون ونقلبهم مع بعض لحد ما يدبلوا وبعدين هنضيف المرقة هنسيب الخليط على نار هادية لحد ما يستوي وبعدين نرفعه من على النار ونضربه في الخلاط لحد ما ينعم خالص وبعدين هنرجع الخليط على النار تاني ونضيف له كريمة الطبخ ونسيبه على نار هادية لمدة 3 دقايق..

شوربة-الخضار-مع-الفراخ-600x400

شوربة الخضار بالفراخ:

المقادير:

 600 جرام فراخ من غير جلد متقطعة مكعبات.

 2 حبة بطاطس متقطعة مكعبات.

 2 حبة جزر متقطعة مكعبات.

 حبة كوسة متقطعة مكعبات.

 حبة طماطم متقطعة مكعبات.

 فصين ثوم مفرومين.

 ملح – فلفل.

 4 كوبايات مية.

طريقة التحضير:

هنسلق الفراخ في المية ونضيف عليها الثوم والملح والفلفل هنسيبها خمس دقايق كده وبعدين هنضيف كل الخضروات ماعدا الطماطم ونسيبها لحد ما الفراخ والخضار كله يستوي ولما يقرب يستوي خالص في الاخر هنضيف مكعبات الطماطم وتتقدم سخنة..

شوربة-لسان-العصفور-بالطماطم-600x400

شوربة لسان العصفور بالطماطم:

المقادير:

 2 كوب لسان عصفور.

2 كوب عصير طماطم.

 4 كوبايات مرقة.

 حبة بصل متوسطة مفرومة ناعم.

 3 اوراق ريحان.

 معلقة كبيرة صلصة طماطم.

 معلقة صغيرة كمون – بقدونس.

ملح – فلفل.

 2 معلقة كبيرة زبدة.

طريقة التحضير:

هندوب الزبدة ونضيف لها البصل ونقلبه فيها لحد ما يصفر لونه هنضيف عصير الطماطم وصلصة الطماطم والمرقة والملح والفلفل والكمون والبقدونس ونقلبهم كويس مع بعض ونسيبه لحد ما يغلي كويس وبعدين هنضيف لسان العصفور واوراق الريحان ونقلبه ونغطيه ونسيبه لحد ما لسان العصفور يستوي ونقدمه..

اضف رد

لن يتم نشر البريد الإلكتروني . الحقول المطلوبة مشار لها بـ *

*