أخر الاخبار
الرئيسية / ادم وحواء / كيف نتخلص من عادة قضم الأظافر ؟

كيف نتخلص من عادة قضم الأظافر ؟

12998738_883572021753450_1046739885435043542_n

عادة قضم الاظافر من العادات السيئة جدا اللي موجودة عند بنات واولاد كتير والعادة دي في الغالب بتبدأ من سن الطفولة وبتستمر في بعض الحالات لحد سن المراهقة وفي بتستمر معاهم لحد ما يكبروا ومش بيعرفوا يتخلصوا منها وللاسف ان المشكلة دي لو متخلصناش منها ممكن تتطور لحاجات تانية تضر صحتنا ..

من أسباب قضم الأظافر : 

* القلق والتوتر نكون قلقانين او بنفكر في حاجة عشان نقلل من التوتر نقضم ضوافرنا او بسبب الملل نبقى قاعدين فاضيين مش لاقين حاجة نعملها نقعد نقرقض في ضوافرنا.

*  ممكن تكوني بتمري بمشكلة وبتفرغي طاقتك السلبية في انك تقضمي ضوافرك.

 الحالة النفسية من اكتر الحاجات اللي بتأثر علينا بشكل سلبي ومن اكتر اسباب وجود العادة دي يعني الاحباط والاكتئاب ممكن يسببوا زيادة العادة دي عندنا.

*  احيانا يكون في جلد زيادة حوالين الضوافر او جزء زيادة في ضوافرنا بنستسهل ونشيلها بسنانا بدل ما نشيلها بالقصافة .

ومن الأضرار اللي بتسببها قضم الأظافر : 

13015566_883572201753432_3353325557737725171_n (1)

لما بنستمر في قضم الاظافر زيادة عن اللزوم ممكن نجرح نفسنا ويحصل نزيف في الجلد اللي حوالين الضوافر والجرح يبقى معرض للالتهاب وده هينقل جراثيم وبكتيريا من الضوافر للفم وهيتسبب لينا في مخاطر صحية..

وممكن نتخلص من العادة دي عن طريق : 

13063267_883572388420080_8218785734067836985_o

في انواع مانيكير ومقوي اظافر مخصوص لوقف عادة قضم الاظافر بيكون طعمها مش حلو وطبعا اول ما هتبدأي تقضمي ضوافرك هتلاقي طعمها مش حلو مع الوقت هتلاقي نفسك بطلتيها او ممكن تدهني ضوافرك بالصبار وطبعا كلنا عارفين الصبار طعمه مر قد ايه فاول ما هتبدأي تقضمي الضوافر هتلاقي طعمهم مر مع الوقت هتتخلصي من العادة دي او ممكن تدهنيهم فازلين هيعمل نفس النتيجة معاكي ..

12998528_883572511753401_2038088582269571131_n

ممكن تحطي على الضوافر لزق من بتاع الجروح عشان لما تيجي تقضمي ضوافرك هتلاقي اللزق موجود هيفكرك بالمشكلة ويخليكي تتراجعي على طول ..

اضف رد

لن يتم نشر البريد الإلكتروني . الحقول المطلوبة مشار لها بـ *

*