أخر الاخبار
الرئيسية / كتابات / قصص قصيرة / ازاى تبقى فتاه احلام شريك حياتك

ازاى تبقى فتاه احلام شريك حياتك

10574313_1550173581972366_3351495600388113298_n

موضوعنا انهارده عن مواصفات فتى او فتاه الاحلام


لكل واحد فينا مجموعه مواصفات بيحلم تكون موجوده فى الطرف التانى


طيب ازاى اكون سعيده فى حياتى ؟

وازاى اخلى الطرف التانى يبقى سعيد معايا ؟
وابقى بالنسبه ليه فتاه احلامه وهو بالنسبه ليا فتى احلامى


اول مفتاح من مفاتيح السعاده

انك تعرفى ان مفيش فرق بين الولد و البنت


يعنى لو انتى مخطوبه مش لازم تستنى هو الى يجبلك هديه

وهو الى يسال عليكى وهو وهو وهو


فتره الخطوبه هى الفتره الى كل طرف بيحاول يعرف

هو هيعرف يتأقلم مع الطرف التانى ولا لا


الحياه بنعشها مره وحده مش عشان نفسك تبقى عروسه
توافقى على اى حد وتقنعى نفسك ان الحب هيجى بعد الجواز
وتكتشفى فى الاخر انك مش حباه ولا هو حبك


وتبدأو يا تطلقو


يا تعيشو الحياه التقليديه لو فى طفل بنكو


الحياه مش هم كبير عشان تشيلها فوق دماغك

كل حاجه كتبها ربنا هتحصل مهما عملنا يبقى مش لازم تشيلى هم


كل وحده فينا بتشوف مسلسلات سواء ( تركى او هندى او كورى او اجنبى )

من جواها بتبقى حبه الحياه دى و نفسها تعيش زيها
طيب ما المسلسلات دى جيه من قصص حقيقه


ليه على طول انتى (  كبنت او كزوجه ) مستنيه الطرف التانى هو الى يهتم الاول

طيب ما انتى ممكن تبقى اذكا وتبدأى تهتمى وشوفى رد فعله هيكون ايه



ابدأى اصنعى كل ده بدل متقوليلو انا نفسى تعمل كذه

اعملى انتى وفجئيه وشوفى هو هيعمل ايه عشان يوصلك انه هو كمان بيحبك
مش انتى بس


ومتخفيش لانه حتى لو طوبه هيتغير تغيير كلى

وهتبقى حققتى الى بتحلمى بيه
صنعتى سعدتك باديكى
وخلتيه هو كمان سعيد معاكى

وعمركو مش هيروح على الفاضى


لو وصلت تغنيلو تحت البلكونه غنيلو وفجئيه

مش هيقول عليكى واقعه ومش عيب


لو وصلت تدخلى فى علبه وتخرعيه اول لما يشوفك على اساس انك هديه جياله

اعمليها مش هيقول انك مصدقتى يحبك بالعكس هيموت فيكى وهيقدر كل ده


وفى نفس الوقت هتبقى انتى مبسوطه انك بتعملى الى حسه بيه
من غير 
اصل لو عملت كذه هيقول كذه


الجنان مش حاجه تعيبك وتبينك غبيه ومبتفهميش

الجنان انك بتتصرفى على طبعتك عكس الناس الى عندها
انا نفسى اعمل كذه بس الناس ؟


الناس كده كده مبتسكتش وعلى طول هيطلعو فيكى العبر


مبسوطه هيقولو
 بتخونى جوزك وبتحبى عليه


زعلانه هيقولو ده منكد عليها عيشتها ومديها بالشبشب


ابدأى اصنعى حياتك من جديد وحبى واتحبى مش عيب


بس فى حلالك يعنى حطى مواصفات ( مهند ولا شاروخان ده )  فى جوزك او خطيبك


والله لو قرد وحطيتى جواكى انه احلى منهم هتشوفيه احلا منهم فعلا


وانتى مش وحشه والا مكنش خطبك او اتجوزك


وهو مش وحش والا مكنتيش وافقتى تكملى حياتك معاه 

 

هو لما بيعمل حاجه مش عشان هو الراجل ولازم هو الى  يبدأ
( لا عشان هو بيحبك )

 

مش عشان تبقى تقيله وتترسمى
المفروض تستنى هو الى يبدأ كل حاجه فى الحياه ( الحياه مشاركه ) 


التصارع فى العطاء هو مفهوم الحب


فــــــــــــــــرحـه

اضف رد

لن يتم نشر البريد الإلكتروني . الحقول المطلوبة مشار لها بـ *

*