الرئيسية / ادم وحواء / موضة الشباب / حلول عبقرية وسهلة لمشاكل الملابس الصعبه

حلول عبقرية وسهلة لمشاكل الملابس الصعبه

images

دايما بتواجهنا مشاكل في الملابس مش بنعرف نتصرف فيها ازاي زي مثلا ان لبانه لزقت في الهدوم او لقيتي بقعه حبر بوظت شكل الهدوم هنرميها ونقول الهدوم باظت كده ؟ لا طبعا .. انهارده في موضوعنا هنعرف حلول عبقرية وسهلة لمشاكل الملابس الصعبة اللي هتواجهنا ..

14568185_998746516902666_6076104745808391586_n

ازالة بقع الحبر من الملابس

لو عندك بلوزة او بنطلون او اي حاجة من لبسك بتحبيها و وقع عليها حبر اكيد مش هترميها هنعرف في موضوعنا  الحل لبقع الحبر حطي على البقعة ديتول مركز يعني مش متخفف بالمياه  و ادعكيها كويس هتلاقي بقعة الحبر اختفت ..

14666033_998745896902728_8757516100062090746_n

نضفي الكوتشي بتاعك وخليه يرجع كانه جديد

كلنا مش بنستغنى عن لبس الكوتشيهات يوميا تقريبا سواء في الجامعة او في الشغل او في خروجاتنا الصبح لكن المشكلة اللي بتقابلنا خصوصا في الكوتشيهات البيضا لما بيتوسخ مش نعرف ننضفه ازاي ولا نرجعه زي الاول عشان كده هنعرف  طريقة تنضيف الكوتشي بطريقة سهلة جدا هترجعه جديد زي الاول .

هنحتاج نص كوباية خل و ربع كوباية صودا الخبز “ الكربوناتو ” و فرشة سنان  .

هنجيب طبق نحط فيه الخل و ندوب معاه الكربوناتو و بفرشة السنان هنبدأ نفرك الكوتشي بالخليط ده و نركز على الاماكن المتوسخة اوي او اللي فيها بقع بعد ما نفركه كويس جدا هنسيب عليه الخليط لمدة نص ساعة و بعدها نغسله بالمية و نسيبه ينشف هتلاقوه نضف جدا و رجع كانه جديد ..

14716247_998746156902702_5969246168119328792_n

علشان تزيلى بقع السبراى

استخدام السبراى و مزيلات العرق او البرفانات مهم طبعا  لكن المواد دى بتسيب بقع على الهدوم خصوصا لو من اقمشة ناعمة زى الشيفون و الحرير و الستان  علشان تشيلى البقع دى استخدمى ال wipes و امسحى بيها البقع و هتلاقى نتيجة حلوة جدا  ..

14718639_998746730235978_3817833899460864414_n

ازاي تشيلي اللبانة لو لزقت فى الهدوم؟

واحدة من اكتر الحاجت اللى بتحصلنا و مابنلاقيش ليها حل او بتتحل بصعوبة جدا هى انه لبانة تلزق فى هدومنا ، ببساطة شيلى اللبانة من على الهدوم عن طريق التلج ، الفكرة هى انه التلج هيخلى اللبانة تسقع و تتجمد تبقى حته واحدة و ده هيخليها تتشال بشكل  اسهل  .. 

14720528_998746293569355_3789484209532050890_n

ازاي تحافظي على الوان هدومك؟

كتير بتقابلنا مشكلة مع الوان الهدوم و خصوصا الالوان الغامقة ان مع الوقت و كتر الغسيل الالوان بتاعتها بتبهت و مش بتبقى زي ما اول ما اشترناها لكن حل الموضوع ده بسيط جدا عشان تحافظي على الوان هدومك من البهتان حطي في الغسالة مع المية والمسحوق نص كوباية خل ابيض هتحافظ لك على الوان الهدوم بتاعتك زاهية لاطول فترة ممكنة ..

14729088_998746683569316_435177381373987953_n

اتخلصي من وبر البلوفرات الصوف ..

لبس الشتاء دايما مليان بالبلوفرات و الكارديجان الصوف ، لو لبسك الصوف بيكون وبر هنقولك على طريقة سهلة تتخلصي بيها من االوبر كله ، مررى حجر دعك الرجلين على هدومك الصوف علشان تجمعى الوبر كله و تشيليه بسهولة او استخدمى مكنة الحلاقة العاية فى ازالة الوبر بسهولة ..

…………………………………………………………………………………………………………………………

* ممكن كمان انا نشيل الصدأ عن الادوات بإننا نعصر علي الصدأ ليمون و نسيبه في الشمس لحد ما تنشف خالص و بعدين نشطف الادوات دي ..

* كمان لو عندنا هدوم غامقة و لقينا فيها اي بقع معملة ممكن نحط عليها بوردة تلك و نسيبها طول الليل و نصحي الصبح نغسلها ..

* ولو الهدوم وقع عليها مانكير ممكن نستخدم الاسيتون او الكحول ..

 و بكده نكون عرفنا حلول عبقرية و سهلة لمشاكل الملابس الصعبه ..

اضف رد

لن يتم نشر البريد الإلكتروني . الحقول المطلوبة مشار لها بـ *

*