الرئيسية / كتابات / قصص قصيرة / جيل ملوش ملامح

جيل ملوش ملامح

baf8b2a9f230bd51b6675a55812b828d

سلمي بنت عادية جدا كانت عايشة حياه روتينية جدا بتصحي تروح جامعتها وترجع تفتح الفيس بوك بتاعها و تذاكر وتنام

في يوم من الايام رجعت بتفتح الفيس لقت رسالة جيالها من شخص غريب متعرفهوش اسمه محمد كانت الرساله عبارة عن كلمتين هما ” السلام عليكم ” ..

سلمي حست بالفضول مين ده ويعرفني منين وياتري عاوز ايه طيب ارد ولا مردش ؟

لا ياسلمي مالك انتي مش بتردي علي حد غريب لا لا مش هرد .. طب بس اسأله انت مين ولو اتكلم تاني مش هرد عليه ..

وبعد يومين تفكير وكل شوية تفتح الرساله وتقفلها قررت سلمي انها ترد علي محمد قالتله :

سلمي : وعليكم السلام مين حضرتك ؟

محمد : اخيرا رديتي انا كنت فقدت الأمل خلاص

سلمي استغربت ومن غير ما تحس لقت نفسها بترد عليه وبتكمل كلام ..

سلمي: مين حضرتك ؟

محمد : انا واحد متابعك بقالي فترة وكنت حابب اتكلم معاكي

سلمي : نعم !! متابعني ازاي يعني انت مين ؟؟

محمد : طيب متتعصبيش انا زميلك ف الكلية ومتابعك وفضلت ادور ع الفيس بوك بتاعك او اي وسيله اوصلك بيها لحد ما وصلت

محمد كان معاه محادثة تانية وكانت كالآتي :

خالد : ها ياعم البت ردت عليك ولا لسه

محمد : انت مستعجل ليه ؟ اصبر اهي ردت

خالد : طيب اتلحلح كده واتكلم متبقاش ملكش لازمه

محمد : طيب طيب اسكت

…………………………………………………………..

سلمي : اه وحضرتك عاوز ايه بقي ؟

محمد : عاوز اتعرف

سلمي : نعم ؟ لا النمرة غلط حضرتك .. سلام

محمد : استني بس انتي فهمتيني غلط انا اقصد نتعرف واخد رقم بابا علشان عاوزه ف موضوع

سلمي : ايه؟ بابا ؟ ليه ؟

محمد : ههههههههههههههههه هطلب منه القرب

سلمي : احم احم

سلمي ومحمد بقيوا يتكلموا كتير ف اليوم وحبوا بعض !  وسلمي حبته جدا لدرجه انه لو غاب شوية ومردش عنها ممكن تعيط

…………………………………………….

خالد : ها ياعم مش قولتلك هترد عليك وهتتكلم

محمد : لا ياعم برده دي محترمه بس انا مكنتش اتوقع انها ترد وتتكلم بالسرعه دي

خالد : انت وقعت ولا ايه ؟ ده كان رهان متنساش نفسك

محمد : اه عارف انه رهان بس دي غلبانه

خالد : والله انت اللي غلبان سيبك منها بقي وتعالي هعرفك علي واحدة ملهاش حل

محمد : قشطه يامعلم هقابلك بكرة

…………………………………………………………..

سملي قاعدة هتتجنن وعنيها ورمت من كتر العياط فجأة لقت ان محمد عملها بلوك من الفيس وترن عليه مش بيرد ولا حتي بقي بيروح الكليه قعدت علي الحال ده شهر كامل ..

وفي يوم صحيت وفاقدة الامل كالعاده راحت لقت محمد ف الكليه واقف وبيضحك ولا في اي حاجة راحت ندهت عليه اخدها ومشيوا بعيد عن الناس شوية قالتله انا كنت هموت من القلق انت اختفيت ليه انت كويس

محمد بيرد عليها ببرود بس بس اهدي شوية في اي يعني لما اغيب وبعدين كان لازم نبعد علشان نعرف احنا ايه بالظبط او هنحس بايه

سلمي : نبعد ؟ ونعرف ؟ هو مش انت فضلت تدور عليا كتير وما صدقت لقتني ومتقدرش تستغني عني ؟

محمد : اه بس مفيش حاجة بتوصل علي حالها

سلمي : ايه البرود اللي بتحكي بيه ده ؟ هو انت ايه ؟ عملت فيا كده ليه ؟ احكيلي بالله عليك

محمد : خايف اجرحك

سلمي : ههههههههههههههه تجرحني ؟ لا اطمن مش هتجرح اكتر ما انا مجروحه

محمد : بصراحه انا كنت متراهن مع صاحبي اني اكلمك الكل بيقول انك ف حالك وم بتكلمي حد ولا بتعبري حد وطالعه فيها وانا قررت انك تتكلمي معايا .. سامحيني انا اسف

سلمي مشيت من غير ولا كلمه وطبعا دموعها نازلة مش عارفه توقفها وكل اللي بتقوله الله لا يسامحك وحسبي الله ونعم الوكيل ..

……………………………………………………………

كلمه للشباب : اتقوا الله ف البنات ولما تحبوا حبوا بجد بلاش لعب بقلوب البنات مش هتبقي سوبر هيرو لو عملت كده

كلمة للبنات : متثقيش ف اي حد بسهولة ياهبلة ومتدلقيش علطول مقولتلكيش متحبيش بس خليكي تقيلة شوية وفكري كويس .

ربنا يكفينا شر كسرة القلوب جميعا ويبعد عنا اي شر ..

بقلم / فــــــــــاطمة 

8 تعليقات

  1. الحمدلله إتعقدت أكثر ما أنا متعقده , وفعلا كل مره حاجة بتثبت لي إن الحب اللي بيدوم بس نصيبك حتى لو كان ” تقليدي ” , تسلم إيدك أحلى فاطمةة نايس بجد 😀

  2. جااااااااااااااااااامده بس انا لاحظت حاجه

    ان اكتر قصص الحب الى مش بتكمل بتكون ياما المكان( كان غلط او الوقت هو الى كان غلط)

    • او احنا اللي سميناه حب وهو مش حب وبنشتغل نفسنا .. ربنا يبعد عنا اي شر ويفرح قلبك .. تسلمي فرحه نورتي 🙂

  3. نايس يافاطمة

  4. تسلمي ندود

  5. مش حلوة عشان بنتنقد الرجالة …ههههههههه القصة حلوة بس متشائمة شوية …احنا كويسين على فكرة مش كده

  6. ههههههههه في الكويس وفي الوحش في البنات والاولاد مش الاولاد بس .. وربنا يرزقنا دايما بالكويسين ويبعد عننا الوحشين .. نورت بومبا

اضف رد

لن يتم نشر البريد الإلكتروني . الحقول المطلوبة مشار لها بـ *

*