أخر الاخبار
الرئيسية / ادم وحواء / المطبخ / اربع وصفات من مشروب السموزي تساعدك في انقاص الوزن

اربع وصفات من مشروب السموزي تساعدك في انقاص الوزن

13254089_903539869756665_4009163834272328958_n

مشروب السموزى من اسهل المشروبات اللى ممكن تعمليها و مبتاخدش الا دقايق قليلة اوى  وبما اننا بقينا فى فصل الصيف و الجو بيبقى حر يوم عن يوم و كمان داخلين على رمضان و جسمنا بيبقى محتاج للترطيب بسبب الصيام هنعرف وصفات من مشروب السموزى اللى مش بس هتدى لجسمك و لبشرتك الترطيب اللى محتاجينة خلال الحر او ايام الصيام و لكن كمان هتساعدك على خسارة الوزن الزائد و التخسيس ..

13267819_903540113089974_9209177118204476700_n

* سموزى المانجو والبرتقال:

و الوصفة دى مفيدة جدا و غنية بفيتامين C اللى بيساعدك على تجنب الامراض و كمان مفيد جدا للبشرة والشعر
المقادير :
حبة موز مجمدة و مقطعة شرائح .
ربع كوباية من عصير البرتقال .
حبتين برتقال مقطعين شرائح .
كوباية شرائح مانجو مجمدة .
نص كوباية قطع اناناس مجمدة او فريش ” اختيارى ” .
الطريقة :
ضربى الموز المجمد لمدة 3 دقايق تقريبا مع عصير البرتقال لحد ما يكونوا مزيج كريمى و تقيل وبعدين زودى قطع المانجو و البرتقال و الاناناس و اضربى مرة تانية لمدة اطول لحد ما يمتزجوا مع بعض كويس اوى ..

 

13267919_903540233089962_272598747977023891_n

* سموزى الزبادى و الفانيليا :

المقادير :
كوباية و نص من الزبادى .
3 ملاعق  عصير الليمون .
ربع كوباية لبن منزوع الدسم .
ملعقة صغيرة من الفانيليا السائلة .
الطريقة :
حطى كل المكونات فى الخلاط بنفس الترتيب بتاع المكونات اضربيهم على سرعة عالية لحد ما يكونوا خليط تقبل و ناعم و بعدين دوقى و ممكن تزودى الليمون حسب الرغبة وممكن تزودى زبادى..

13312839_903540293089956_1543357271469960698_n

 

* سموزى المانجو و الفراولة :

المقادير :
2 حبة موز مقطعين شرايح و مجمدين .
كوباية قطع مانجو مجمدة .
6 حبات فراولة كبيرة مقطعة شرايح .
ربع كوباية زبادى فراولة .
ربع كوباية لبن خالى الدسم .
الطريقة :
اضربى الموز مع عصير البرتقال لحد ما يكونوا مزيج متجانس و زودى العصير علشان توصلى للكثافة اللى انتى عايزاها صبى المزيج بالتساوى فى كوبايتين لحد النص بعدين اغسلى الخلاط وحطى الفراولة مع اللبن و الزبادى و اضربيهم مع بعض على سرعة عالية لحد ما يكونوا خليط متجانس وصبى الخليط ده فوق الخليط الاول فى الكوبايات ..

13319761_903540333089952_4680846622439878854_n

* سموزى الشوكولاتة و النعناع :
المقادير :
3 ملاعق من قطع الموز المجمدة .
حوالى 15 جرام من بودرة الكاكاو المرة بدون سكر
نص كوباية من حليب اللوز او الحليب العادى منزوع الدسم .
حوالى 18 جرام من الزبادى خالى الدسم .
ملعقة صغيرة من شربات النعناع .
الطريقة :
حطى كل المكونات فى الخلاط و اضربيهم على سرعة عالية لمدة 3 دقايق تقريبا لحد ما يتكون مزيج كثيف و ناعم دوقى الخليط و ممكن تزودى من شربات النعناع او بودرة الكاكاو لو عايزة الطعم يبقى اقوى حسب ما تحبي ..

اضف رد

لن يتم نشر البريد الإلكتروني . الحقول المطلوبة مشار لها بـ *

*