الرئيسية / ادم وحواء / وصفات طبية وتجميل / خمس طرق للحصول على قدم بيضاء ونظيفة

خمس طرق للحصول على قدم بيضاء ونظيفة

14317365_973490109428307_6186515320576729723_n

لو بتعاني من غمقان الرجل بسبب الشمس او بسبب الجلد الميت المتراكم على البشرة او جفاف الجلد ومش بتعرفي تلبسي اي حاجة مفتوحة هنعرف في موضوعنا ازاي نتخلص من المشكلة دي مع مجموعة وصفات طبيعية هتخلصك نهائيا من غمقان الرجل وتفتحها ..

14263984_973490296094955_2842194839048080939_n

وصفة زيت الزيتون والسكر:
المكونات:
 2 معلقة كبيرة زيت زيتون.
معلقة كبيرة سكر.
عصير نص ليمونة.
الطريقة:
انقعي رجلك في مياه دافية لمدة 10 دقايق ونشفيها اخلطي المكونات كلها مع بعض كويس وافركي الرجل بالخليط لمدة 6 دقايق سيبي الخليط 5 دقايق كمان وبعدين اغسلي الرجل بالمياه كرري الوصفة يوميا..

 14358899_973490246094960_6975731023759615737_n

وصفة دقيق الحمص:
المكونات:
 2 معلقة كبيرة دقيق حمص.
معلقة كبيرة عصير خيار.
معلقة كبيرة عصير طماطم.
2 معلقة صغيرة عصير ليمون.

الطريقة:
اغسلي رجلك كويس اخلطي كل المكونات كلها مع بعض كويس وبعدين حطي الخليط على الرجل ودلكيها لمدة 5 دقايق وبعدين سيبي الخليط على رجلك من 20 – 25 دقيقة وبعد ما ينشف خالص جيبي فوطة مبلولة وافركي الخليط واغسلي الرجل بالمياه ورطبيها بكريم مرطب..

14364765_973490206094964_936383305345196446_n

وصفة اللبن:
اللبن من الحاجات الفعالة جدا اللي بتساعد على التفتيح لانه بيحتوي على حمض اللبنيك اللي بيجدد ويحسن خلايا الجلد وكمان بيرطب البشرة وبيديها ريحة حلوة.
المكونات:
كوباية لبن.
2 معلقة كبيرة مية ورد.
2 كوب مية دافية.

الطريقة:
انقعي رجلك في مياه دافية لمدة 20 دقيقة هندفي اللبن شوية على النار وبعدين نضيف عليه المياه ومياه الورد وخلطهم مع بعض كويس وننقع الرجل في الخليط لمدة 20 دقيقة وبعدين نغسلها بالمياه وممكن تعمليه بطريقة تانية بدل ما تنقعي رجلك هاتي قطنة واغمسيها في اللبن وامسحي بيها الرجل وسيبيه 20 دقيقة وبعدين اغسليها..

14370379_973490139428304_2413156044127991687_n

سكراب السكر والليمون:
المكونات:
ليمونة.
معلقة كبيرة سكر.

الطريقة:
اغسلي رجلك كويس وانقعيها في مياه دافية لمدة 5 دقايق اقطعي الليمونة نصين وخدي نص رشي عليه السكر وافركي بيه القدم بالراحة في حركات دائرية لمدة من 5 – 10 دقايق وسيبي الليمون والسكر على الرجل خمس دقايق كمان وبعدين اغسليها بالمياه وممكن تعمليه تعصري الليمون على السكر وتفركي بيه الرجل وبعدين تغسليها وترطبيها بكريم مرطب كرري الوصفة دي يوميا بعد اسبوعي واحد بس هتحسي بالفرق..

14390664_973490266094958_5617820876101965962_n

وصفة خل التفاح:
خل التفاح تقريبا بيساعد في حل معظم مشكلات الجلد لانه بيحتوي على معادن وفيتامينات بتساعد على تفتيح البشرة وبتنضف الجلد.
المكونات:
معلقة كبيرة خل تفاح.
معلقة واحدة مية.
الطريقة:
اغسلي الرجل اخلطي خل التفاح والمية وبلي قطنة بالخليط وامسحي بيه الرجل سيبيه لمدة 20 دقيقة وبعدين اغسلي الرجل بمياه باردة ورطبيها بكريم مرطب كرري الوصفة يوميا..

اضف رد

لن يتم نشر البريد الإلكتروني . الحقول المطلوبة مشار لها بـ *

*