أخر الاخبار
الرئيسية / ادم وحواء / موضة الشباب / موضة الكارديجان في الربيع

موضة الكارديجان في الربيع

 images (2)

بدأ موسم الربيع وبدأت معاه الحيره المعتادة في طريقة اللبس لأن لبس الصيف خفيف جدا ولبس الشتا بقى تقيل جدا، ودايما بيظهر المنقذ بتاعنا كلنا اللي هو الكارديجان والجميل ان السنة دي الكارديجان طالع موضة وبأشكال وموديلات كتيرة جدا عشان كده لازم تعرفي ازاي تلبسيه بالشكل الصحيح

تعالي معانا واعرفي طريقة لبس الكارديجان في الربيع.

الكارديجان القصير:

1912094_861976617246324_5069137460563191060_n
وده الشكل المعتاد للكارديجان، متوفر بخامات والوان متنوعة وبيليق على انواع لبس كتيره، لكن اهم حاجة في لبس الموديل ده من الكارديجان انك ماتلبسيهوش على حاجة اطول منه وخاصة البلوفرات لكن حاولي تنسقيه مع فستان او مع ممكن مع قميص بنفس الطول او اطول حاجة بسيطة، اما الالوان فلو حتلبس الكارديحان سادة حاولي يبقى القطعة اللي من تحته ملونة او مشجرة والعكس لو الكارديجان مشجر او مقلم يبقى القطعة اللي من تحت تكون سادة.

الراب الكارديجان:

12832395_861976510579668_8401793830873418104_n
الموديل ده كمان ظريف جدا لأن قصة الكارديجان مش بتبقى منتظمة او مستوية وده بيخلي شكله جذاب حتى لو لابساه مع حاجة سادة فهو بيغطي على شكلها ويخلي المظهر كله جميل 

الكارديجان الواسع:

1001080_861976487246337_7270739219619826058_n
الكارديجان ده بيدي ايحاء ان هو مقاسه كبير عليكي عشان كده لو جسمك مليان شوية ابعدي عنه وممكن تديله مظهر جذاب لو لبستيه مع الاسكارف او لو لبستي فوقه حزام من على الوسط

الكارديجان الطويل:

 1557555_861976860579633_2083842988098817929_n
موضة جدا السنة دي، وله اشكال كتيرة مثلا في منه بزراير وفي لأ وفي منه له حزام وفي كمان اللي له شراشيب من تحت، وفي منه بفتحتات طويلة من تحت الوسط ولغاية الاخر الكارديجان ده ممكن تلبسه مع الوان او مع حاجة مشجرة، وممكن يتلبس فوق فستان او جيب ماكسي بس المهم مايكونش واسع من تحت وتقدري كمان تلبسي معاه حزام من على الوسط والجميل في الموديل ده انه متوفر من اول الطول اللي تحت الركبة على طول لغاية الكارديجان الطويل لحد الشوز وده بيديكي الحرية في اختيار الطول المناسب لشكل جسمك.

images (6)

 فــــــــــــــــاطمة 

اضف رد

لن يتم نشر البريد الإلكتروني . الحقول المطلوبة مشار لها بـ *

*