أخر الاخبار
الرئيسية / ادم وحواء / وصفات طبية وتجميل / تعلمي مكياج النو ميكب في سبع خطوات

تعلمي مكياج النو ميكب في سبع خطوات

10890535_811412722258701_1807534138_n

مكياج النو ميكب  او المكياج الطبيعي هو استايل المكياج اللي بيبان طبيعي على الوش كانك مش حاطة مكياج ولكن في نفس الوقت بيداري اي عيوب في البشرة وبيطلعها بشكل طبيعي كانك مش حاطة مكياج خالص والنوع ده من المكياج بتستخدمة دايما الفنانات في حياتهم الطبيعية بعيدا عن لقاءات التليفزيون والحفلات بيظهروا كانهم مش حاطين مكياج لكن هما بيكونوا حاطين استايل النو ميكب والميزة في استايل المكياج ده كمان غير انه بيطلعك طبيعية بيكون خفيف على البشرة وبيديها فرصة تتنفس ومش بيضرها زي المكياج التقيل..

14141539_957733251003993_1794931872719054511_n

الخطوة الاولى:
اول حاجة تنضفي بشرتك كويس وتحطي كريم مرطب وبعدين تحطي لها كريم اساس BB النوع ده من كريم الاساس خفيف جدا على البشرة وتستني من خمس لعشر دقايق قبل ما تبدأي في الخطوة التانية عشان تدي فرصة للبشرة انها تتشربه كويس
ولو عايزة نوع كريم اساس مع حامي من الشمس حطي CC ده فيه نسبة SPF للوقاية من الشمس وبيوحد لون البشرة..

14141930_957736904336961_4493117117774960526_n

الخطوة التانية:
تاني خطوة هتحطي الكونسيلر تحت العين عشان تداري اي هالات سودا تبدأي بصوباعك تخبطي بالراحة تحت العين عشان تفردي الكونسيلر كويس بعد كده تحطي بودرة اضاءة تحت العين بالفرشة الخاصة ليه تحطيها في البودرة وتخبطيها عشان تنزلي اي بودرة زيادة وتبدأي تحطيها تحت العين..

14141875_957735014337150_4302828765433827069_n

الخطوة التالتة:
تالت خطوة معانا هي البلاشر هنستخدم فيها البلاشر الكريمي بلون وردي طبيعي تبدأي تحطيه على عضمة الخد وتخبطي بصوباعك عليه بالراحة عشان توزعيه كويس على بشرتك هيديكي خدود وردية بشكل طبيعي جدا..

14063769_957736787670306_1158866273048355077_n

الخطوة الرابعة:
بعد كده هنظبط الحواجب في البداية سرحيهم بفرشة الحواجب وابدأي املي فراغات الحواجب بملون الحواجب المناسب للون حواجبك وانسب لون يطلع حواجبك طبيعية هوالبني المتوسط يعني مش الغامق اوي ولا الفاتح اوي..

14079749_957736024337049_1162370535620861952_n

الخطوة الخامسة:
في الخطوة دي هنحط الايشادو اختاري لون فاتح عشان يبان طبيعي فوق العين والافضل تختاري نوع ايشادو مطفي ابعدي عن الالوان اللي بتلمع عشان الشكل يطلع طبيعي اكتر..14067545_957736814336970_4412671582791089735_n
الخطوة السادسة:
دلوقتي بقى هنحط الماسكارا اختاري نوع خفيف من الانواع اللي بتدي طول للرموش بشكل طبيعي. وممكن قبل الماسكرا تستعلمي lash curler  اللي بيتني الرموش ويحضرها لاستقبال الماسكارا..
14100333_957736117670373_2441099873078242346_n
الخطوة السابعة:
الخطوة دي هي اخر خطوة معانا وهي الروج عشان تكملي الطلة بتاعتك حطي ملمع شفايف بس بلون فاتح طبيعي ولو مش عايزة روج بيلمع ممكن تحطي بدل الملمع لون نيود مات والالوان النيود هي اللي بتكون فاتحة لون الشفايف عشان شفايفك تبان بشكل طبيعي كانك مش حاطة روج..

14079749_957736551003663_325144578148355992_n

وده الشكل النهائي للمكياج ..

اضف رد

لن يتم نشر البريد الإلكتروني . الحقول المطلوبة مشار لها بـ *

*