أخر الاخبار
الرئيسية / فيديوهات / فيديوهات متنوعة / رقصة الزومبا 2016| فيديو

رقصة الزومبا 2016| فيديو

hqdefault

رقصة الزومبا “ Zumba  من الحاجات اللي انتشرت اوي الفترة اللي فاتت وبقى في بنات كتير بتمارسها ورقصة الزومبا هي رقصة لاتينية قديمة ومعنى كلمة زومبا يعني التحرك بسرعة وباستمتاع وهي  نوع من انواع الرياضة الغير التقليدية اللي بيدخل فيها حركات راقصة ويمكن ده اللي شجع نسبة كبيرة من البنات يمارسوها لانها سهلة وممتعة في نفس الوقت

ورقصة الزومبا اثبتت فوايدها للجسم لانها بتساعد بشكل كبير جدا على التخسيس وحرق الدهون والسعرات الحرارية وده زود الاقبال عليها اكتر وغير انها رياضة للتخسيس كمان بتغير المود جدا يعني لو متضايقة او في مود مش حلو تقدري تمارسيها هتغير مودك خالص والميزة فيها انك تقدري تمارسيها في البيت مش لازم تروحي الجيم لان حركاتها بسيطة وسهلة يعني تقدري تعمليها مع نفسك في البيت بسهولة جدا ومناسبة للبنات ولكبار السن وحتى الاطفال كمان

ايه هي فوايد رقصة الزومبا للجسم ؟
من اهم فوايدها للجسم انها بتساعد على انقاص الوزن وحرق الدهون والسعرات الحرارية.

* بتساعد على شد عضلات الجسم كلها لانها تقريبا بتحرك كل عضلات الجسم يعني كانك بتمارسي اكتر من تمرين في نفس الوقت بتساعد على شد عضلات البطن والارداف والاذرع بتقوي عضلات الحوض جدا وبتقوي الرئتين وبتساعد جدا في علاج الام الظهر وبتزود لياقة ومرونة الجسم بشكل عام وبتنحت الجسم وبتحسن شكله وتخليه متناسق .

* بتحسن صحة القلب والشرايين والاوعية الدموية وده هيحميكي طبعا من امراض زي الجلطات القلبية والسكتات, وبتحسن عمل الدورة الدموية وده بيأثر على البشرة بشكل ايجابي جدا هتلاقي بشرتك بقت منورة ونضرة جدا ده غير انها بتساعد على تفتيح لون البشرة لانها بتزود نسبة الاكسجين في الجسم.

* من فوايدها كمان انها بتحسن المزاج جدا وبتصفي الذهن وبتعالج اجهاد الجسم وبتزود الثقة في النفس, والدراسات اثبتت انها بتخلصك من التوتر وبترفع احساس الشعور بالسعادة لان بعد ممارستها بيرتفع هرمون الاندروفين في الدم وده الهرمون المسئول عن الاحساس بالسعادة في الجسم عشان كده هنلاقي كتير من الدكاترة النفسيين بدأوا انهم يوصفوا رقصة الزومبا للمرضى اللي بيعانوا من الاكتئاب عشان يرفعوا نسبة هرمون الاندروفين في الجسم وبالتالي هيزود عندهم احساس السعادة ويعالج الاكتئاب.

* بتساعد على التركيز لانها بتحتاج توازن ما بين التفكير والحركة فعقلك هيبقى بيفكر في الحركة اللي انتي بتعمليها وده بينمي التركيز جدا.

images (6)

فــــــــــــــــاطمة 

اضف رد

لن يتم نشر البريد الإلكتروني . الحقول المطلوبة مشار لها بـ *

*