أخر الاخبار
الرئيسية / ادم وحواء / المطبخ / حيل ذكية لتنظيف المنزل

حيل ذكية لتنظيف المنزل

marietta-maid-service1-481x360

حيل ذكية لتنظيف المنزل بسهولة 

شغل البيت والتنضيف مش بيخلص ومن اكتر الحاجات المتعبة والمرهقة واللي بتاخد مننا وقت كبير عشان نعمله لكن من النهاردة هترتاحي وهتخلصي شغل البيت من غير ارهاق ولا تعب بحيل ذكية لتنظيف المنزل بسرعة وسهولة وهتوفرلك الوقت والمجهود ..

14502985_985608018216516_8599805300301093062_n

من الحاجات اللي بنتعب في تنضيفها هي الحنفيات سواء في الحمام او المطبخ مع الوقت لمعتها بتروح وبتنطفي عشان نرجعها بتملع بطريقة سهلة ومن غير مجهود لمعيها بورق مشمع او ورق المطبخ هتلاقيها نضفت ورجعت تلمع تاني زي الاول ..

14520498_985609311549720_4164607691556299794_n

لو عايزة تلمعي الارضية كويس ممكن تجيبي اي شراب قديم عندك وتحطيه في المساحة وتلمعي بيه الارضيات وخصوصا السيراميك والبورسلين ..
14470513_985608881549763_4566633266375356828_n
 الصواني اللي بنعمل فيها المعجنات او اي حاجة في الفرن وباقي الاكل بيلزق فيها ومش بيرضى يطلع وبيتعبنا وبيوجع ايدينا على ما ننضفه ممكن ننضفه بسهولة باننا نرش شوية ملح في الصينية ونمسحها بورق المطبخ هنلاقي اي بواقي اكل لازقة طلعت بسهولة ..
 الدهون والزيوت اللي بتكون لازقة على الفرن وبناخد فيها وقت ومجهود كبير عشان ننضفها ممكن تنضفيها بمكون واحد بس وهو زيت الزيتون حطي زيت الزيتون على اي فوطة عندك وامسحي بيه الفرن من بره ومن جوه وبعدين امسحيه مره كمان بفوطة ناشفة هتلاقيه نضف ورجع بيلمع ..
* او نخلط ½ كوباية مية مع كوباية كربوناتو ونرش الخليط ده على الفرن من جوه ومن بره ونسيبه ربع ساعة وبعدين ننضفة بالمية وننشفه بفوطة ناعمة ..
* وعشان ننضف الازاز اللي في الفرن نحط خل ابيض في ازازة ببخاخ ونرشه على الازاز ونسيبه ربع ساعة وبعدين نمسحة بفوطة ناشفة ونضيفة ..
14449937_985609261549725_6824107311041012866_n
 
لو عندك اي بقعة على الكنبة او اي مفروشات ومش عارفة تتخلصي منها اخلطي معلقة كبيرة كربوناتو مع 1/3 كوباية خل ابيض وشوية مياه سخنة بس مش مغلية تكون سخنة بس ومعاهم معلقة كبيرة من اي مسحوق منظف عندك وقلبيهم كويس مع بعض ورشي الخليط ده على البقعة وسيبيه كام ساعة او ممكن تسيبيها من بالليل للصبح وبعدين اشفطي الحاجات دي بالمكنسة هتلاقي البقعة راحت ..
14463091_985611404882844_6589057023122999097_n
كلنا بيحصل عندنا اننا ممكن ننسى الاكل والطاسة تتحرق وبيكون تنضيفها من الحاجات الصعبة جدا عشان نحل المشكلة دي صبي شوية مياه في الطاسة وضيفي عليها كوباية خل ابيض وحطيهم على النار وسيبيهم يغلوا ولما المياه تبدأ تنشف ارفعي الطاسة من على النار وحطي فيها شوية كربوناتو هتلاقي المياه فارت كده استني لما تخلص فوران وادلقي المياه هيتبقى عندك الكربوناتو في الطاسة ادعكيها كويس بليفة خشنة هتلاقي الطاسة رجعت بتلمع كانها جديدة ..

14484902_985611258216192_984281430032996350_n

 
عشان ننضف الاثار اللي بتكون في الكوفي ميكر او الكاتل من كتر الاستخدام هنصب فيه مياه وخل ابيض بمقادير متساوية ونشغله عادي وقبل ما المياه تغلي ويطفي شيليه وادلقي المياه وحطي مياه وخل تاني بنفس الطريقة وسيبيه لحد ما يغلي وبعدين ادلقي المياه واغلي فيه مياه نضيفة بس وادلقيها عشان تتخلصي من اي اثار لريحة الخل ..
14457413_985608948216423_6531714502354825010_n
 المشكلة اللي بنعاني منها في الحمام دايما الاثار اللي بتبقى على الحيطة من الصابون والبخار ومع الوقت بتتكون بكتيريا في الحمام ممكن تسبب بقع واثار صعب انها تطلع لكن احنا جايبين الحل بانك هتخلطي ¼ كوباية من بيروكسيد الهيدروجين ” اللي هي مية الاكسجين” وهتلاقوها في الصيدلية رخيصة جدا ومعاها معلقة كبيرة اي نوع صابون سايل و1/2 كوباية مية هنخلطهم كويس وناخد من الخليط على سفنجة ونبدأ نمسح بيها البلاط  وننضف اي بقع عليه وبعدين نغسليه بالمياه العادية ولو في بقع صعبة اوي ممكن ترشي الخليط وتسيبيه 10 دقايق وبعدين تدعكيه بالسفنجة وتغسليه بالمياه ولو عايزة تحافظي على الحمام نضيف اطول فترة ممكنة اخلطي مياه وخل ابيض بكميات متساوية وحطيها في ازازة ببخاخ ورشي بيها البلاط مرتين في الاسبوع لو مشيتي على الروتين ده هتلاقي الحمام على طول نضيف ومش هيتكون عليه اي بقع ومش هتتعبي في تنضيفه تاني .. 

* او ممكن بليفة خشنة نحط عليها كربوناتو ونفرك البلاط وبعدين نغسله بالمياه وممكن نستخدم فرشة السنان نحطها في الكربوناتو وندعك بيها البلاط والاماكن الضيقة اللي بين السيراميك ..
* او نفرك البلاط بالليمون ونسيبه من 10- 15 دقيقة وبعدين نشطفه بالمية ..
 

 

اضف رد

لن يتم نشر البريد الإلكتروني . الحقول المطلوبة مشار لها بـ *

*