أخر الاخبار
الرئيسية / كتابات / الحياة المتزنة Balanced life

الحياة المتزنة Balanced life

اعرف طريقك

مبدائيا كده لو حصل واتزنا كلنا او عملنا اللى نقدر علية للوصول للاتزان ده بين الاركان السبعة دى اية هيتغير في حياتنا ؟

الاجابة ببساطة….

هنشعر بالسعادة 

ياااه بس كده طب مانا ممكن ابقى مقصر في ركن فيهم مثلا الركن المهنى او الروحى وابقى سعيد

اوك انا مع اللى يقول كده تمام بس تنكر ان لو كنت مقصر في اي ركن من السبعة دول بتحس بحاجة نقصاك

وخصوصا لو الركن الروحاني 

دكتور ابراهيم الفقي الله يرحمة  قال ان السبعة اركان عجله مينفعش ينفصلو عن بعض ومن غيرهم العربية هههههه قصدي الحياة متمشيش

انا اتفق واختلف مع دكتور ابراهيم الفقي في حاجه 

ان لو كنا مهتمين بالركن الروحي العربية وعجلة حياتنا هتمشي لان ببساطة الركن الروحي هو اهم ركن فيهم وهو اللي بيمشيهم كلهم

علشان كده انا هتكلم عن الركن الروحي بتركيز اكتر لان صاحب الفضل في باقي الاركان

طب هو ايه الركن الروحى ده ؟

هو الارتباط بالله عز وجل وهو سر النجاح في الدنيا والاخره وهو النور الذي يضئ لك الطريق لكي لا تضيع , ويحدث اتزان بين باقي الاركان

لهذا هو يعتبر من اهم الاركان والمتحكم فيهم وان ضاع هذا الركن ضاع الاتزان كله في الحياه

وهو يشمل ..

الحب 

لله والرسول والصالحين والوالدين والناس ونفسك اه حب نفسك ودى ليها موضوع لوحدها بعدين بقي

التسامح 

دى بقي قوة جباره اصلها  ليها فوايد للى يعرف يسنفذها فوائد مش ممكن

يعني مثلا للي بيعرف التسامح صح بيبقى عنده رضا روحاني كده عارف لما حد يقولك اصلي مرتاح نفسيا اهو كده بظبط .

وفوائد صحية  طبعا ماهو الصحة واغلب الامراض نفسية مش عضوية وده كلام العلماء مش كلامى .

والتسامح بيعالج الماضي لان لما نسامح غيرنا هيبقي الماضي بتاعنا صافي ومفيهوش شئ يضايقنا .

وبيخلي مستقبلنا روعه ونظرتنا ليه نظرة امل بجد جربوا التسمح ولو مره في الشهر وشوفو الفرق في اليوم ده .

العطاء 

الركن الروحاني بيخلينا نتعلم العطاء ان كان عطاء وقت علشان نعلم غيرنا او نتكلم بس مع غيرنا او عطاء مال .

بس الفكره ان الحب والتسامح والعطاء علشان يبقو صح وتحس بيهم لازم يكونو من غير شروط يعنى منقولش هنسامح بس اوع تعمل او هديك فلوس بس لما تعملي كده موصلناش لحاجة

كده كفاية اللي عاوز شرح لباقي الاركان يبقي يقولى في التعليق وانا انزل الباقي بقي 

مش بخل بس علشان كده الكلام هيكتر وهتزهقو منى 

اضف رد

لن يتم نشر البريد الإلكتروني . الحقول المطلوبة مشار لها بـ *

*