أخر الاخبار
الرئيسية / كلمات / كلمات الاغانى العربية / كلمات راب عربي شجرة واتنين لمون

كلمات راب عربي شجرة واتنين لمون

كلمات راب عربي

كلمات راب اغنية عربية مصرية عن الشباب والبنات والعلاقات بينهما

هو فين الحب ده يلا بينا بالسلامة
بنضحك على نفسنا بكلمه واحدة وابتسامة
ده ضحك ع الدقون شجره واتنين لمون
بنوصل دايما  لطريق اخره الندامة

الحب اصبح افشل علاقة في الوجود
مفيش عقل ولا فيه التزام مفيش حدود
مبقتش عارف مين عاقل ومين مجنون
ارتباط اخره يومين وتتهد كل الخيوط

جتله في يوم واحده قالتله انا معجبة بيك
سقط بنطلونة ووقف شعره زي عرف الديك
افتكر نفسه انه واد برنس وكده بقى شيك
مسك دبايب حمرة وقلوب وغنالها انا ليك

حست من كلامه انه خفيف ومدلوق
مش هنكمل مع بعض اسفه  يا زوء
بكرة الدنيا هتحلو معاك و تروق
فكستله) وهتشوف مصلحتها عادي وبهدوء

مشاكل بين الطرفين ووعود دايما هلس
عمرك ما تلاقي واحده بتكتفي بواحد بس
أصل الحياة بالنسبالهم مبتقفش على حد
لو محصلش نصيب بيفتكروا انهم نحس

هو فين الحب ده يلا بينا بالسلامة
بنضحك على نفسنا بكلمه واحدة وابتسامة
ده ضحك ع الدقون شجره واتنين لمون
بنوصل دايما لطريق اخره الندامة

الحياة يا صاحبى مبقتش زى الاول
حاجات كتير اتغيرت والحب بقى تسول
كله يقولك  هالو وبيس ونقضى يومين
ملعونة ابو دى حوارات ربك عنها يعين

مبقتش قادر تعرف المحترم من الشمال
اوعى تتخدع بالجسم او اللبس او الجمال
حتى الحب والارتباط اصبح متاح للعيال
ابعد عن الهلس ده  وخليك مرتاح البال

الحب دايما ماشي على القواعد والمبادئ
عمرك ما هتلاقي ولد في زمنا ده صادق
مقتنع انه كازانوفا ماهو مش  عاتق
كل ولد انهارده هتلاقي في العشق لاجئ

وأهو راح كلامهم الحلو واصبح هدر
محصلش نصيب معلش قضاء وقدر
البنت اخلاقها ماتت والولد باخلاقة فجر
وأهو هو ده الحب في زمنا يا شوية بقر

تعليق واحد

  1. نااااااااايس تسلم يا فنان

اضف رد

لن يتم نشر البريد الإلكتروني . الحقول المطلوبة مشار لها بـ *

*