أخر الاخبار
الرئيسية / تكنولوجيا / الحواسيب / افضل طريقة لتشغيل برامج Android على Windows

افضل طريقة لتشغيل برامج Android على Windows

dream-wallpaper-1366x768

كتير مننا يعرف نظام Android اللي اسسته شركة Google واصبح دلوقتي شيء اساسي في حياتنا ! .. ايوه شيء اساسي في حياتنا لأننا بنستخدمه كل يوم في الMobile الخاص بينا وشركات كتير جداً بتستخدم مثلاً Samsung / Sony / HTC .. الخ الخ …. النظام ثابت ومستقر وجميل جداً وفي ناس كتير بتحب تجربه تجرب الالعاب والبرامج اللي فيه بس مش معاها Android Mobile أو Android Tablet فأيه الحل ؟؟ ..

الحل انك تستخدم النظام على الWindows الخاص بيك وفي منه نسخة خاصة بالMac برضو بس خلينا في الأكثر إنتشاراً

وده بيكون عن طريق برنامج محاكي والمحاكي اللي هنستخدمه النهاردة Droid4x وسبب استخدام المحاكي ده هتعرفه لما تكمل الموضوع بإذن الله.

أولاً: صورة البرنامج

7233a023d3070a0e79135f9b965847ce4890_1logo_540x540

ثانياً: صور من داخل البرنامج

Droid4X_7

5511939e62cd6-4

Droid4X_1

ثالثاً: انظمة التشغيل التي يعمل عليها البرنامج

img-thingWindows_logo

رابعاً: اسباب اختياري لهذا المحاكي تحديداً

1- مجاني

2- سهل الاستخدام

3- يعمل بنظام Android كامل والكمال لله وحده بمعنى انك مش بس بتشغل برامج لا عندك اعدادات Android كمان

4- للناس اللي بتفهم في الAndroid شوية هو كمان فيه صلحيات Root يعني ممكن بدل ما تغامر وتعمل Root للMobile هو موجود في البرنامج وانت تقدر تستخدمه بشكل عادي جداً

5- اسرع برنامج شفته من وجهة نظري لحد دلوقتي ومش هيستهلك من الرام كتير وممكن تفتح معاه تطبيقات تاني من غير ما الجهاز يهنج

5- بيعمل على اكثر من نظام تشغيل زي ما قلنا Windows + Mac يعني حتى لو عندك Apple Laptop قادر تشغله عادي

6- بيسمحلك كمان تعمل اكتر من نظام يعني ممكن تعمل 3 انظمة وكل واحد تحط عليه برامج معينة مثلا ولو بوظت واحد تمسحه وتعمل واحد تاني يعني هتجرب براحتك فيه !!

7- تقدر تعمل اختصارات للKeyboard في الالعاب يعني انت لو عاوز تلعب لعبة ممكن تخلي زرار w مثلا يدوس على مكان معين في شاشة الAndroid بالتالي لو معاك لعبة محتاجة تضغط في اماكن كتير قادر تعملها Controller كامل ليها !

خامساً: طاب انت عمال ترغي ومقلتليش البرنامج ده استخدمه في ايه ؟؟

 طيب تعالى اقلك ممكن تستخدمه في ايه

1- ممكن تفتح بيه Whatsapp او Instagram ومعظم التطبيقات اللي بتعمل على Android بس

2- لو عاوز تطبيقات بتعمل بالRoot تقدر تستخدمها كلها عليه من غير ما تضر الMobile الخاص بيك

3- تقدر تلعب عليه كل العاب الAndroid عشان ميزة رقم 7 اللي ذكرتها فوق ودي هتسهل عليك كتير وعشان ممكن الMobile ميستحملش

4- لو عاوز تراقب الMobile بتاعك او انت خايف يتسرق لا قدر الله ممكن توصله برضو بحساب Google اللي على الMobile وبكده هتضمن بإذن الله انك تعرف تلاقي الMobile لو ضاع يعني لا قدر الله 😀

واستخدامات تاني كتير بجد لا حصر لها ومش ببالغ انا شخصيا بستخدمه في برنامج الة حاسبة كده بيخليك ترسم المسئلة فمش بحبه على الMobile عشان الشاشة صغيرة بس في الLap بيبقى ممتاز وبكتب بالMouse بيسهل عليا كتير ^_^

سادساً: انا عارف انك تعبت مني واتخنقت فمن الاخر هخليك تحمل البرنامج في الخطوة دي 😀

بص يا ريس زي ما قلت خلينا في Windows وملناش دعوة بMac عشان انا شخصياً مجربتش ومش عاوز افتي

اول حاجة رابط الموقع الرسمي: هنا

تحميل البرنامج نسخة Online يعني محتاج انترنت وانت بتسطبه في كل مرة: هنا

التحميل بنسخة Offline ودي اللي بنصح بيها عشان متتعبش نفسياً كل ما تسطبه: هنا

وبس يا سيدي خلصنا الموضوع اهدى بقى خلاص ومتتعصبش هو كان طويل عشان مصلحتك 😀 .. يله اشوفكم في الموضوع الجي بإذن الله .. سلام عليكم ^_^

2 تعليقان

  1. تسلم ايدك بجد يا مهنا ويارب علطول تبهرنا بمقالاتك الحلوة دى .. تسلم الايادى

  2. الله ينوور بجد نايس مع إني مش فاهمة حاجة بس واضح المجهود 😀

اضف رد

لن يتم نشر البريد الإلكتروني . الحقول المطلوبة مشار لها بـ *

*