أخر الاخبار
الرئيسية / تكنولوجيا / الهواتف / مجموعة تطبيقات اندرويد مميزة [الجزء الأول]

مجموعة تطبيقات اندرويد مميزة [الجزء الأول]

مجموعة برامج اندرويد مميزة 1

 

اول جزء من سلسلة هنعملها بإذن الله كل فترة هقولكم مجموعة برامج مميزة مش شرط تكون جديدة بس يمكن في ناس كتير متعرفهاش وتحب تعرفها واتمنى بإذن الله تنال اعجابكم تعالوا نشوف …

النهاردة معانا 5 تطبيقات والعدد مش محدد كل مرة ممكن 6 ممكن 4 على حسب ^_^

اول برنامج: MyScript Calculator

mzl.bmcrwhfl.320x480-75

وظيفة البرنامج: ده برنامج الة حاسبة بس بالرسم بقى .. بجد ؟ .. اه والله انت هترسم المسئلة اللي انت عاوزها بارقام اللغة الانجليزية طبعا وهتلاقي الناتج مكتوب والالة دي فيها حتى اصعب العمليات انا شخصياً كنت بحل بيها واجب الرياضة

وكنت بستخدم العمليات

sin , cos , tan , log .. وجزور وكسور وكل اللي نفسك فيه

لتحميل البرنامج: هنا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تاني برنامج: Shazam

unnamed (1)

البرنامج ده هيساعد نص البشرية على النصب بس يله مش مشكلة 😀 .. البرنامج ده يا سيدي هتستخدمه لما تكون بتسمع اغنية ومش عارف اسمها وعاوز تعرف اسمها واسم المغني وطبعا يفضل تكون انجليزي هو فيه عربي بس مش كتير زي الانجليزي فطبعا اول ما صاحبك يشغل اغنية انجليزي شغله واعمل فيها شارلوكهولميس وقله دي اغنية كذا للفنان كذا واحكيله تاريخ الفنان وانت ولا تعرفه اصلا 😀

لتحميل البرنامج: هنا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تالت برنامج: Disa

unnamed (2)

احساس وحش لو عندك رقمين وعاوز تعمل 2 واتس اب ومش عارف .. او عندك 2 فيس بوك واخرك تفتح واحد من الموبايل .. البرنامج ده هيخليك تقدر تفتح منه فيس بوك و واتس اب غير اللي عندك على الموبايل يعني 2 فيس 2 واتس واللعب يا سمك 😀

لتحميل البرنامج: هنا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

رابع برنامج: Font Size Setter

fr.gatay.android.fss

زي ما واضح من الصورة وبرضو نقول تاني .. البرنامج ده بيكبرلك حجم الخط في الموبايل بس اللي يميزه عن باقي البرامج رغم انه مش معروف اوي انه بيكبر بالنسبة اللي انت عاوزها وفيه كمان ميزة تصغير الخط لو شايف خط موبايلك كبير ومش حابب انه يبقى كبير

لتحميل البرنامج: هنا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خامس واخر برنامج النهاردة: Web Blocker

icon_xl

البرنامج ده بيخليك تمنع اي موقع مش عاوز حد يدخله من الموبايل خصوصا لو عندك اطفال في البيت وعاوز تمنع عنهم موقع العاب بيعطلهم عن المذاكرة او كده او اي حاجة بقى شوف انت هتستخدمه ازاي يعني .. انا عن نفسي بمنع منه الفيس عشان مش كل ما حد يمسك موبايلي يدخل منه فيس مش سنترال مصر هو 😀 … بس مشكلة بسيطة البرنامج ده بيحتاج Root فيا ريت يكون عندك Root عشان يشتغل معاك

لتحميل البرنامج: هنا

هاااااح .. وخلاص خلصنا على كده وشكراً لحسن المتابعة والسلام عليكم ورحمة الله وبركاته ^_^

2 تعليقان

  1. هييييييييييييييييح بقا … جااامد مع

  2. لا بجد جامده أحسن حاجة الآلة الحاسبه وتكبير الخط دول هينفعووني يعني , تسلم إيدك يا مهنا .

اضف رد

لن يتم نشر البريد الإلكتروني . الحقول المطلوبة مشار لها بـ *

*