الرئيسية / كلمات / كلمات الاغانى العربية / جميع كلمات اغاني فريق mtm حصري ومتجدد

جميع كلمات اغاني فريق mtm حصري ومتجدد

جميع كلمات اغاني فريق mtm حصري ومتجدد

نبذه مختصره عن فريق Mtm

فريق مكون من ثلاثة افراد وهم (محمود وتاكى ومايكل) اول فرقة عربيه مصرية تقوم بانشاء نوع جديد من الراب ويسمي باسم الراب المصري ..

جميع كلمات اغانى فريق mtm

جميع كلمات اغاني فريق mtm

mtm .. هروب اضطرارى

ماكنش ده قراري

ماكنش باختيارى
ماكنش في قدامى غير هروب اضطراري
قالولى مش هتقدر

قالولى مش هينفع
قالولى ماتحاولش

ماتكملش لف وارجع

دي مش قصة حب

دى حكاية واحد كان عايش

عادي وفجأة هوب
هوب حصله دروب

اضرب كرسي فى الكلوب
اتفتش واتكلبش واتدبس

وحياته حصلها فوتوشوب

غريبة عجيبة يوم

معدولة ويوم مقلوبة
واللى يعرف يسلك فيها

بيبقي فلت بأعجوبة
الدنيا يوم تنصفك

يوم تخونك
فلو كل حاجة

وقفت ضدك من يلومك
لما تاخد حقك

وتدافع عن مبادئك
وتدور عاللى ظلمك

وتحاسبه انت بطريقتك
بس استنى الاول

لازم تحسبها مع نفسك
هو فى حد ظلمك

ولا انت اللى ظالم نفسك

طير روح انفد بجلدك
طير دوس لو ظلم حوطك
طول ما الحق واقف فى ضهرك
فوت فى النار ماحدش يهزك

طير روح انفد بجلدك
طير دوس لو ظلم حوطك
طول ما الحق واقف فى ضهرك
فوت فى النار ماحدش يهزك

طير يا حمام
طير يا حمام

ساعات بتهرب من الواقع

والماضى اللى فاتك
لكن عمرك هربت

علشان تنقذ حياتك
الموت على بابك

ودولابك مليان اسرار كتير
تفضل في مكانك

ولا تاخد القرار وتطير
عايزين يلفقولى

تهمة فبقيت هربان
لو كان طريق الصح غلط

يبقي انا غلطان
ما انا كنت واحد عايش

كده عادى ومش فى دماغه
بقيت انا جيمس بوند
كان نفسي اوصل لحلمي

وتبقى حياتى من بطولتى
كان نفسي ابقى

نجم زي السقا وزي السبكى
كان نفسي ابقي حاجات

كتير غير ان ابقي هنا
وهعمل اي حاجة

بس ماكنش كبش فدا
طير يا حمام
طير يا حمام
ماكنش ده قراري

ماكنش ده اختيارى
ماكنش في قدامى غير

هروب اضطراري
قالولى مش هتقدر

قالولى مش هينفع
قالولى ماتحاولش

ماتكملش لف وارجع
ماكنش في قدامى

غير هروب اضطراري
ماكنش في قدامى
غير هروب اضطراري

اضطراري
طير روح انفد بجلدك
طير دوس لو ظلم حوطك
طول ما الحق واقف فى ضهرك
فوت فى النار ماحدش يهزك

جميع كلمات اغانى فريق mtm

mtm .. لازم بكره يبقى احلى

قاعدين في بيت بقالنا كتير
وحياتنا محتاجه

تغير الشارع زحمه
زحمه وطوابير نفسي

أطلع من الدوشه وأطير
والميكروباصات

زي المجانين
تكسر علينا من

الشمال واليمين
وف نص الشارع راكنين
و يأأوح امال أروح فين ؟؟!؟؟
ياعم عمتنا بدخانك
شفلك بقى حل ف شكمانك
انت لسه واقف مكانك
قوم يلا

وغني معانا
من الصبح في ماشاوير

وبقلنا كتيير ماشيين
عنينا جت علقهوه لقينا ناس كتير قاعدين
قولنا نقعد نشرب

حاجه بدل محنا عطشانين
لقينا كل الناس بصين متنحين
بيتفرجوا عالدش

وبيلعبوا طاوله

ومبسوطين
قلنالهم انتم مين قالولنا احنا الفاضين
بيوتنا زحمه

واحنا منها هربانين
كان نفسنا نعمل حاجه

بس مش عارفين
يمكن عشان

انتم مش مركزين
وفي الدنيا تايهين ومطنشين
حتفضل قاعد كده

وتعدي عليك السنين
لازم تحسبها صح

وفكر تفكير سليم
لازم بكره حيبقى أحلى

لو غيرنا شويه حياتنا
التغير بقى حاجه سهله

لو ركزنا وأنجزنا
تاني ماشيين في الشارع

بعد زحمة المرور
جنبينا مدرسه عيال

بنطوا من ع السور
كلهم زوغوا بعد الطابور

ومحدش فارقه معاه الغياب

والحضور والمدرسين والناظر كمان
عصيانهم أشكال

وألوان اللي غايب عندو زكام
واللي تعب في الفصل ونام
وسألت نفسي

العيب عيب مين
الطلبه ولا المدرسين

وعالعموم أدينا ماشين
أ , ب ، ت ،ث ، ج
لازم بكره حيبقى أحلا لو غيرنا شويه حياتنا

التغير بقى حاجه سهله لو ركزنا وأنجزنا
محروس كان عايز يخف

جنابه لما ركنا عند حلاقه
ناس كتيير واقفين على

بابو أتاريه عامل إنقلاب
بيحلق ل3 بنفس الموس في نفس الوقت

وفر فلوس ده غير إنو بينقل فيروس

انا ما حلقتش انا محظوظ
إي يا عم إلي انت بتعملو ..إنت مش عارف إلي بتنقلو ..

وانتم ساكتين مش بتتكلموا مش ناوين بقى تتعلموا .. تتقدموا
لازم بكره حيبقى أحلى لو غيرنا شويه

حياتنا التغير بقى حاجه سهله لو ركزنا وأنجزنا

جايين فالشارع مافيش حد حوالنا فجأه لقينا فرح جنبينا

بصينا على الكوشه إتخضينا ..

مش مصدقين إلي شايفاه عنيينا
يا ألف نهار ابيض يا ألف نهار مبروك

أبو العروسه مجوز بنتو لواحد قد أبوه
والبنت ف إعداديه

وكان نفسها تخش حقوق

طب وذنبو إيه المولود إلي حيجيبوه
أنت بتفكر تفكير قديم..لازم تدي للبنت فرصه زي

الولد ف التعليم لما تكبر يمكن تقدر تعمل إنجاز عظيم
لازم بكره حيبقى أحلى لو غيرنا شويه

حياتنا التغير بقى حاجه سهله لو ركزنا وأنجزنا

جميع كلمات اغانى فريق mtm

.. شجع مصر

شجع شجع
يلا بينا نشجع

نشجع و نبدع
فى الملعب هنولع

شجع مصر شجع
عشان تشجيعنا

مسمع لاعيبه بلدنا
لاعيبه الفرق

التانية تودع
أيوه احنا الفراعنة

أبطال قارة أفريقيا
80 مليون مشجع

م الوزير لبتاع البيكيا
و كسبنا كتير

بطولات جيل بعد جيل
مشينا كتير و لسه

لسه المشوار طويل
الكورة فكر مدرب

بتنفذه اللاعيبه
بس الجمهور المصرى

هو سر التركيبة
شجع يلا بينا نشجع

نشجع و نبدع
فى الملعب هنولع

شجع مصر شجع
عشان تشجيعنا

مسمع لاعيبه بلدنا
لاعيبه الفرق التانية

تودع شجع مصر شجع
و النجاح مش صدفة

لأ ده بيجى بمجهود
مفيش حدود لطموحنا

لأ حنعدى أى حدود
قدام اطفال العالم مش

مهم مين اللى يكسب
اللاعيب المصرى راجل

ولاخر ثانيه هيلعب
ومن غير تعصب

وبكل روح رياضيه
الكوره هيا حياتنا

والتشجيع دا مسئوليه
يلا يامصراويه

شدوا حيلكوا شويه
شجع شجع
شجع يلا بينا نشجع

نشجع و نبدع
فى الملعب هنولع

شجع مصر شجع
عشان اسمنا مسمع

لاعبيتنا اجدع
الفرق التانيه تولع

شجع مصر شجع

جميع كلمات اغانى فريق mtm

 حزب الفن

ملاين في مدان شالين اعلام
شايفين احلام ايام قدام
صبرنا كتير عايزين تغير قصدين الخير
جاين في سلام
عيشنا في بلد مش بلدنا
وكانت حايتنا ليها معني
ونيسينا اننا ملوك العالم ايام الفراعنة
صبرنا و جوعنا والامن بتعنا باعنا
وحاولنا اننا نتكلم بس ماكنش حد سامعنا
شبعنا خلاص زهقنا جبنا جاز
واللي بيتو من طوب بيحدفنا ب الازاز
كان فاكر انو فاز وانو محصن من فولاذ
لا بلدنا دي اغنية هنقضي علي الناشاز
مزيكا مليونية في ميدان التحرير
ديمقراطية حقيقية وحريت للتعبير
والثورة ضد الفوضة قدرنا نوصل للتغير
لابلطجية ولا دخلية ولا قوة كام وزير سكتتنا
وبقينا اقوي في المحنة مش هنهدي
ومش هنفرض طاقطنا في ناس غيرنا
عايزة الفتنة عايزة تفرق بينا
بص هنطر اى حد يحاول يخرب ف بيتنا
عشان مصريين دايما نيجى فى الميعاد
نقطع اى رجل ظالم من منظومه الفساد
ظلم ضد القيود وسياسه الجلاد
ملينا م الوعود والوقوف على الحياد
فى ناس كل همها النفوز والسلطه
وناس عايزه وسط الهوجه تركب موجه مهى فرصه
الخونه سابو الشعب ضاع عشان صراح السلطه
والمرادى مش هتنفع جمله فوت علينا بكره
ملايين فى ميدان شايلين اعلام شايفين احلام ايام قدام
صبرنا كتير عايزين تغيير قاصدين الخير جايين فى سلام

جميع كلمات اغاني فريق mtm

mtm .. كل ليله بسهر

أنتى على بالى كل دقيقة وكل ثانية
أنتى بالنسبة لي في الحقيقة حاجة تانية
أنتى في عيني البنت الكاملة والوحيدة اللى بعيش بيها
صدقيني دي مش مجاملة
دي الحقيقة اللي مخبيها
أكيد كنتي أنتى ملاحظة م الطريقة اللى بعاملك بيها
وآهي جت اللحظة اللى آجي وأقولك فيها
أقولك اللى بيا أقولك اللى فيا
أقولك انى ليكي وأطلب منك تبقى ليا
وأنا عمري ما قلت لأي حد حاجة زي ديا
صدقيني بجد أنا في حالة مش طبيعة
واسهري فكري بالراحة لو كنتي حاسة بيا
جاوبيني بكل صراحة ومتخبيش عليا
وأنا عايزك تعرفي اني هفضل جنبك باستمرار
جنبك طول المشوار
جنة ان كان أو نار
أنا من غيرك زي جيتار
بس جيتار من غير أوتار
كل ليلة بسهر بسهر وأقعد أفكر
أنتى بتحبيني ولا أنا بحبك أكتر
أكيد الواحد مينفعش يعيش لوحده مهما ان كان
برده الانسان
لازم يدور ع المكان
اللى شايفه في الأحلام
اللى عايزه من زمان
اللي يلاقي فيه الأمان والسلام كمان
لما خدعني وخاني وباعني وقالي كلام
وأنا لما سمعت عرفت أنها أوهام
وفهمت انه بيوقع بيني وبينك
وافتكرت لما كانت عيني في عينك
قلتي لي انك ملكيش في الدنيا الا أنا
والسنة اللي قضيتها معاكي كانت هنا
صدقيني أنا واثق انك انتى بتحبيني
ولا يمكن حد يفرق بيني وبينك
كل ليلة بسهر بسهر وأقعد أفكر
أنتى بتحبيني ولا أنا بحبك أكتر
أنا كل ليلة بسهر ..بسهر وأقعد أفكر
في اللغز اللى أنا عايش فيه
مش عارف ازاي يتفسر متأثر
من جوا قلبي متكسر
أيوة بعزك أنتى بس بحبها أكتر
والمشكلة أن أنتوا أصحاب
وياريت كنتوا أغراب
حاولت أقرب منها بصيت لقيت سراب
حسيت اني بعيد
لقيت نفسي وحيد
والخطوة اللي هاخدها اني أفكر من جديد
أنا عارف اني غلطان
وياريت تبقى مسمحاني
ارجعيلي تانى صدقيني أنتى وحشاني
فهماني حبك انتى اللى يتحس
سمعاني انتى حبيبتي وبس
كل ليلة بسهر بسهر وأقعد أفكر
أنتى بتحبيني ولا أنا بحبك أكتر

mtm .. أمى مسافره

تاكى : انهاردة يوم الأجازة أمى مسافرة رايحة جنازة
وصلتها لحد الباب خبطتنى فكرة أستاذة
عندى عدة و عندى سى دىز و انهاردة يوم الخميس
يعنى كله فى اللذيذ ما فاضلش إلا التنفيذ

كلمت كل أصحابى على طول ماكانش فيهم حد مشغول
كله كان بيرد يقول يا قشطة يا بيس يا إما كوول
كدة مافاضلش إلا حاجة بس أفضى البيت من كل العفش
أصل فيه ناس تبقى غاوية كسر ومش طالبة تقلب بقفش

حطيت فى كل حتة سماعة و حطيت سى ديهاتى فى بتاعة
كله جاهز للإذاعة و لسة بدرى فاضل ساعة
قعدت أفكر سألت نفسى أنا لسة هافضل مستنى
رحت جبت الميكروفون و وصلته و قعدت أغنى
أمى مسافرة و هاعمل حفلة بس ياريت ماتجيش على غفلة
أمى مسافرة و أنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا
محمود : وصلت لتاكى الساعة تمانية لابس تى شيرت فريق ألمانيا
بصيت لقيت بيته بقى حاجة تانية و الحفلة اتملت فى ثانية
مزيكا جامدة و كلها دانس راب هاوس راى و ترانس
وكل دقيقة تزيد الناس وأنا واقف عالباب محتاس
و فيه ناس برة عاملين سياح جايين و معاهم سلاح
خلونى بقيت مش مرتاح رحت قافل بالمفتاح
و كتبت ورقة عالباب تقول ممنوع دخول أى مسطول
لو الكلام ده مش معقول معلش أنا المسئول
قلت أشوف بقى نفسى شوية قعدت أرقص و أصحابى حوالية
فجأة رمولى مايك فى إيدية و قالولى : غنى الأغنية
أمى مسافرة و هاعمل حفلة بس ياريت ماتجيش على غفلة
أمى مسافرة و أنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا
مايكى : الحفلة دى أنا مستنيها خدت العربية و جيت بيها
من كتر الزحمة حواليها مالقيتش حتة أركن فيها
رحت راميها على الرصيف و المنظر كان برة ظريف
و ناس كتير شكلها نضيف بنات لذيذة دمها خفيف
و جوة ده كان عالم تانى السما بتمطر أغانى
و أنا واقف برقص فى مكانى شفت شلة بنات عاجبانى
كان فيهم واحدة أعرفها بس ماكنتش باستظرفها
قلت معلش أظبطها علشان أرقص مع أصحابها
و الصبح طلع علينا و الناس مشيت من حوالينا
قعدنا رتبنا و رصينا بعدين طبلنا و غنينا
أمى مسافرة و هاعمل حفلة بس ياريت ماتجيش على غفلة
أمى مسافرة و أنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا

جميع كلمات اغاني فريق mtm

mtm .. احسبها صح

تاكى :
اسمع منى نصيحة قبل ما تعمل اى فضيحة
فى مدينة اسكندرية بتحصل حاجات غريبة وفى الواقف اللى زى ديا لازم
نحسبها صح
محمود احكيلنا حكايتك
محمود :
صباح الخير يوم جميل اقعد فى البيت لأ دا مستحيل
كلمت تاكى اشوف ايى الدييل
لقيتة نايم نوم الفيل
نزلت امشى فى شارع النزهة شفت حتة بنت تحفة جيت اكلمها ومن خوفها
راحت مصوتة ومنادية جوزها
اتاريها من نفس الحتة وجوزها دا كان راجل جتة
راح ماسكنى هوا و 6 ضربونى وطبقوا الجاكتة
وواحد اسموا حموا اليابانى قالى : متجيش هنا تانى
رحت واخد ديلى فى سنانى و نزلت الم صحابى وجيرانى
والموضوع كدا مش حايعدى وانا لسة حروح اخد حقى
ومن هدودمهم حاعض انقى اى حاجة تيجى على قدى
لما تبقا فى حالة غريبة او فى حياتك حاجة كئيبة قبل ما تعمل اى مصيبة
احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها
صح

جميع كلمات اغاني فريق mtm

مايكى :
مساء الخير ليلة فل
صووت الشارع بيندهلى اقعد فى البيت دا يبقا ذل بس حاعمل اية مع اهلى
عايز اطبق العربية بس اخويا حيسيحلى
امى عايزة التمثيلية وابويا عايز متش الاهلى
اعمل اية نفسى ارتاح
انا خلاص جبت اخرى
بالعافيا خت المفتاح فتحت الباب ونزلت اجرى
رحت مدور جبت الاول
جت سليمة وطلعت بخير
بس مكنتش خالص اتصور انى ماشى عكس السير
فجأة لقيت عربية جاية جاية وبتضرب رعاش
مش ححكيلكم عال بقية علشان قاعد فى الانعاش
لما تبقا فى حالة غريبة او فى حياتك حاجة كئيبة قبل ما تعمل اى مصيبة
احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها
صح
تاكى :
3\3 يوم منحوس دقنى طويلة معنديش موس
عندى ميعاد مع 4 بنات بس المصيبة معيش فلوس
لازم احل المشكلة العملية مقفلة
ومحدش حيسلفنى علشان ديونى المتلتلة
افتكرت بتاع البيكيا بيشترى منى اى حاجة
وفى ثانية واحدة جتنى فكرة انا ممكن ابيعلة التلاجة
اديتة رنة راح مكلمنى وعرضت علية الموضوع
اتفقنا يأجر منى ويرجعها بعد اسبوع
خدت الفلوس رحت بيها كذا حتا وصرفتها كلها فى هبالة
صحيت تانى يوم معيش ولا نكلة ( اية الحل )
الغسالة
صح كدا . صح كدا
لما تبقا فى حالة غريبة او فى حياتك حاجة كئيبة قبل ما تعمل اى مصيبة
احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها
صح

جميع كلمات اغاني فريق mtm

mtm .. اى كلام

كل يوم بروح البيت تعبان بحس ان انا نعسان
ولما بخش السرير وانام باشوف احلام .. اوهام اى كلام فى الاحلام محمود: انا فاكر فى يوم صحيت من النوم طلعت اجرى على التليفون كلمت مايكى مش موجود كلمت تاكى لقيته مخمود رحت داخل اعمل فطار اديتها فول بالزيت الحار خلى بقى مشعلل نار رحت شارب كاس فوار ودخلت لامى اعمل حوار عايز الكار اروح المطار فى واحد صاحبى طيار جاى من كفر الدوار قالتلى مش ناقصة هزار ده انت لسه خابط حمار وحظك ما طلعش صعيدى واهله ما اخدوش بالتار قولتلها ماشى ورحت ماشى
وقعدت ادعى على المواشى وفى الجرنال لقيت خبر
جنون البقر مازال متفاشى متلاشى شعب فلسطين
ومنتخبنا خسر من مين وفى الاخر حظى يقولى

جميع كلمات اغاني فريق mtm

كله تمام لا كله سليم كل ليلة لما انام فى الاحلام بشوف اوهام ومش عارف دى حقيقة ولا ده اى كلام X2 تاكى: قاعد فى اوضتى بحضر جن فجأة سمعت جرس بيرن مين دلوقتى ده جاى يزن ده اكيد مايكى رايح الجيم الحديد مش قادر اشيله ومايكى بيشيل مبت كليو قلت لامى قومى افتحيله هاخلص اللى فى ايدى واجيله ههه ايه ده ايه ده ده عفريت بجد ده ولا ايه
لا لا لا عفريت قرصت نفسى دعكت عينيا عفريت طلعلى بقى بين ايديا قعدت افكر شوية هى تبقى ايه اول امنية اول حاجة جت على بالى فلسطين فى الوضع الحالى اسرائيل خليتها تلالى ..قلت للعفريت شيلهالى لا عاز فلوس ولا عاوز قصر اصل ديونا مالهاش حصر قولت للعفريت سددها بس ابقى هاتلى بيهم وصل وشوف بقى ايه اخر امنيه دى اكيد حاجة هتبقى ليا خلصت فترة الصلاحية والنبى هاتلى كارت بمية كل ليلة لما انام فى الاحلام بشوف اوهام ومش عارف دى حقيقة ولا ده اى كلام X2 مايكى: قاعد فى البلكونة بتشمس باكل جبنة وفول مدمس بشرب شاى بايدى الشمال .. وبالايد التانية بغمس بصيت من البلكونة لقيت عيالة واقفة تحت البيت ماسكين واحد جانب الحيط
منظره خلانى اتربيت ولما واحد طلع مطوة خلانى بقيت قلقان قولت لازم اخد خطوة
لازم اكلم سوبر مان طلعت اجرى على الصالون
رفعت سماعة التليفون فجأة سمعت التلفزيون ده مذيع كورة بيقول

جميع كلمات اغاني فريق mtm

mtm .. اركن على جمب

تاكى :
المكان اسكندرية الساعة 1 بالليل
ماشى بالعربية مافياش حيل
مش معقول قاعد بفرك طول اليوم
بحلم بالنوم مفيش احلى منوا
عايز اروح ببص جنبى لقيت واحدة لابسة موفف على بامبى
بتشاورلى وتقرب منى مفيش ثوانى ولقيتها جنبى تقولى
اركن على جنب
بتقولى انا اركن على جنب
قلتيلها فكك منى ابعدى عنى انا مش طالبة معايا فرهدة
دماغى ملخبطة من كتر ما بغنى يالا روحى وبلاش هفلطة
التريك دا فوقنى مبقتش عايز انام عديت على مايكى اشوف اية الكلام
اديتة رنة راح نازلى وقعد جنبى قدام
قلتيلوا سوق انتا علشان انا تعبان بصيلى وقالى
تاكى : اركن على جنب
يا تاكى : انتا نمت ولا اية
اركن على جنبك
مايكى :
برضه اسكندرية بس الساعة 2
اول حاجة عايز اعرفها حنروح على فين
تانى حاجة لاحظتها ان مفيش بنزين
كدا اليوم مش حيمشى زى ما احنا عايزين
متزاولين
شمال ولا يمين
بندور على فلوس بس مش لاقيين
لقيت تحت الدواسة ورقة ب50
وفى البنزينة قلت 20 90
قالى اركن على جنب يا كابتن
ايوة اركن على جنب
كدا تمام مظبطين ممكن كدا نعمل حاجة بدل ماحنا قاعدين
اة اة دانا نسيت دا فى ناس مستنين
شغلنا مزيكا وعلى 100 طايرين
فجأة لفيت قدامى ظباط واقفين
فرملت مرة واحدة رحنا مخيشين
وفى واحد عال كبوت مش عارف شبة مين بعديها لقيت ظباط واقفين بيقولو
اركن على جنب ورخصك
يا كابتن
اركن على جنب علشان الطريق
محمود :
مستشفى اسكندرية الساعة 3 وشوية
خبطتنى عربية مش غريبة عليا
مايكى وتاكى عملوا حادسة وكلمونى من القسم وانا قاعد فى المستشفى مجبسينلى ايدايا
دلوقتى كل حاجة بتبان قدام عينيا
الحادثة اللى عملوها المرة دى جت فيا
نزلت من المستشفى مش عارف راسى من رجليا وشاورت لاول عربية جاية وقلت
اركن على جنب
يا عموووووو
اركن على جنب
ركبت مع واحد طيب بس رغاى
عايز كل حاجة حصلت امتا وازاى
بيقولى تتعشا ولا تشرب شاى
قلتلو طب نزلنى عند الشارع الجاى
وبمخ صاحى وجسم مقتول طلعت اجرى عال القسم ومشينا نقول
قالى : قالوا اركن على جنب
قالتلى : قالتلوا اركن على جنب
قالولى : قالولو اركن على جنب
قولولهم : يالا اركن على جنب

جميع كلمات اغاني فريق mtm

mtm .. طول مابتنفس

تاكى:
دى ثقافة المدينة دا تمدين الموسيقى
مزج الثقافات بدون سرقات
محمود : يا سلام يا دكتور قول كمان
تاكى : لما المايك يجى فى ايدى لازم تسمع اللى بقولة وتدقق فى كل كلمة لو قعدت الليل بطولة
لما تسمع ممكن تلسع بس حترجع تانى وتسمع
امتا ممكن يشبع

جميع كلمات اغاني فريق mtm

لما mtm يدولو يسمحولو من 1 ل 100 عد
دايمان خليك للاغنية الجاية مستعد
ممكن تكون جد وهى هزار هزار وهى جد بس لو كانت داخلة دماغك متاخدش برأى حد الا نفسك
اهرب مل اللى حابسك جوا نفسك
اللى مخلى اللى فى قلبك مش باين على شكلك
امشى على مهلك خد طريقة اسلك وانتا تسلك
مايكى :
يا معلم لما تكلم انتا تبلم لو كنت بتضحك او تتألم
اهو بتتعلم
ازاى المزيكا بتتقدم
الصبح طلع علينا بس الدنيا مش حتضلم
مهما اتألم عمرى ما افكر انى استسلم مش حتقفل الافكار اللى حتتجسم
ممكن اكون صريح معاكم بس على الاقل مش بمثل مش بأفلم مش بمثل
محمود :
ممكن تكون بتمثل لو فكرت يوم تكسل قاعد على قهوة مبتشربش غير معسل
الحلم اللى انتا عايزة مش هوا اللى انتا عايشة
لازم تجيب بدايتة ومتفكرش فى نهاينة
لو شايفة يبقا اكيد مش بعيد
لو حاسو حتوصلو ودا اكيد
مل الاخر ودا المفيد
طول ما بنتنفس فى جديد
فكك يبنى من التعقيد بنقدملك المفيد افكارنا عمالة تزيد
طول ما بنتفس فى جديد
مايكى :
اكيد كدا انتوا فهمتم وعرفتو ان كلامى لة قيمتوا وميزتة لو صحيتوا او نمتوا مش ممكن حتنسوا حتفضلو تفتكرو
محمود قالهالى مرة
محمود : حتجنوا لو سكتوا
تاكى : ايوة دا كلامك وانتا ياما قلتوا وعيدتوا
مايكى :
وسيبكوا اديكو اتعلمتوا حاجة تساعدكو فى مصيركو
تاكى :
ومصيرنا مهما تعبنا او سهرنا او صغرنا او كبرنا
اتجنينا او عقلنا بردوا مش حنجيب اخرنا وحنوصل لو قدرنا
ولو مش احنا يبقا غيرنا حد تانى مش فى جيلنا
محمود :
وجيلنا فرصتوا فى ايدة بس يفكر يعمل حاجة تفيدوا
ولعلمك الكلمة اللى انا بقولها مش حتقلل منو دى اكيد حتزيدوا

مايكى : المرة دى مش اى كلا م
ركز كويس
جاى اديكم فكرة بسيطة نبذة عن فيلمى المتميز
دا موجود فى كل الشعوب شرق وغرب شمال وجنوب ومسيروا فى مصر حيسود مش كدا صح يا محمود
محمود :
طبعان اكيد انتا كدا جبت المفيد
ودول مش بس كدا مع الوقت حيزيد
ومش حنبطل ابدان ولا بعد 100 شريط
طول ما بنتنفس فى جديد
فكك يبنى من التعقيد بنقدملك المفيد افكارنا عمالة تزيد
طول ما بنتفس فى جديد

جميع كلمات اغاني فريق mtm

mtm .. اوعى وشك

تعالوا معايا احكلكوا حكايه ليها بدايه ملهاش نهايه
اوعى .. اوعى .. اوعى
مايكى :
انا اسمى مايكى شعرى سبايكى تيشيرت اى حاجه وجزمه بايكى
كل البنات بتموت عليا بس انا مصاحب مش باديا
اكتبى اسمك فى الليسته ديا يمكن يجى دورك فى المره الجايه
انا دلوقتى رايح مشوار
رايح فين
لاقرب بار
فى بنات اجسامهم نار اشرب واعمل احلى حوار
طول السنه انا ماشى ف طريق كبير
عشان كدا بسقط فى الكليه
واهلى عامليلى قاضيه وانا مش ناقص مشاكل عائليه
هبطل كل حاجه وهبقى ميه ميه وهشجع الوحده الوطنيه
تاكى :
انا بئا تاكى بلبس باجى بحب اعيش حياتى بمزاجى
جاي الحفله
ايوا هجاى بس مش هينفع ارقص معاكى
عشان هتبقى جايه مع اخوكى وهيروح يسيح لابوكى
هيبهدلوكى وهيضربوكى مش بعيد كمان يطردوكى
وابوكى واصل هيحبسنى وفى القسم ينسونى اسمى
اتلع مش حاسس بجسمى واقول شوفولى حد يجبسنى
تانى يوم اقرر انى مصاحبش اى بنات من سنى
واقعد ادعى يارب انقذنى بأى واحده غنيه تتجوزنى
محمود :
اسمك ايه
اسمى محمود لو فيه بنات تلاقينى محمود
لو فى بنات تلاقينى موجود
مش ممكن تتصور ازاى بحور بس مشكلتى انى بتحور
ليله امبارح كنت ع النت قاعد احور كالمعتاد
اتعرفت على واحده بنت وخدت منها انهارده ميعاد
لبست التيشيرت وجزمه كات ومستعد معايا كاشات
احط جيل لا البس كاب ونزلت جرى وسبت الباب
وقفت شويه لاقتها جايه بصيت عليها قولت استحاله
لابسه شبشب وجلابيه دى حقيقه ولا اشتغاله
جتلى حاله غير عاديه وطلعت اجرى ع العربيه
بصيت لاقيت عجله مهويه والبت جايه بتجرى عليا
نطيت فى تاكسى روحت على البيت اقنع نفسى انى نسيت
ومن يوميها وانا قاعد اذاكر
ذاكرت ايه
والله مانا فاكر
اوعى . اوعى . اوعى

جميع كلمات اغاني فريق mtm

mtm .. طب ليه وازاى

محمود :
اهلا بيكم فى الالفية. اتفضلو شوفو العولمة
مفيش سلام فى حرب عالمية حنخشها انتا وانا
ممكن تكون كمان كام يوم كمان كام شهر كمان سنة
الحال يدوم ومين نلوم الحب دا نهر ولوفنة
يبقا احنا كلنا ندفع تمن غلطة زمن
ونعيش كلنا من غير امل دا محتمل اية العمل
لازم نكون داخلين المغامرة علشان احنا فاهمين الوؤامرة
دى باينة ومن غير كلام بالنسبة للسلام الاشارة حمرا
طب مين طب اية طب لية وازاى ( كام واحد مننا )
طب مين طب اية طب لية وازاى ( ويسلم نفسة للحياة )
طب مين طب اية طب لية وازاى ( وامتا حنسكت على دا )
طب مين طب اية طب لية وازاى ( لا لا لا لا لا )
مايكى :
طب لية طب مين طب اية
اسمع كلامى وفكر فية
اسألنى عن فنى واعرف لية فكرت انى اغنى علشان اوصل كلامى ليكو ( كل حاجة اهى باينة قدام عينيكم )
طب اية طب ليه لامتى حتجرى ورا الجنية
الحل باين لييك قدام عينيك بس ادى نفسك فرصة وبص علية
وفى ناس تاخد فلوسنا وتهرب
ومتفرقش معاهم ان الدنيا تضرب تخرب
وفى ناس بتعيش لغيرها تراعى ضميرها فى خط سيرها
عشان الواحد عمرو ما يعرف حياتة هى فين اخرها
طب مين طب اية طب لية وازاى ( كام واحد مننا )
طب مين طب اية طب لية وازاى ( ويسلم نفسة للحياة )
طب مين طب اية طب لية وازاى ( وامتا حنسكت على دا )
طب مين طب اية طب لية وازاى ( لا لا لا لا لا )
تاكى :
ساعات بحس ان انا مش فاهم اية اللى بيحصل
ساعات بحس ان انا مش عارف امتا كلامى حيوصل
ساعات بحس ان انا مش قادر استحمل واقول لنفسى ان انا مش حكمل
وساعات بحس ان انا ممكن اتحول وابتدى مل الاول
كام متسول كام شحات
كام منهم عمرة طول كام واحد منهم مات
كام مزور كام نصاب
كام ممول للارهاب
كام واحد معملش حساب للناس ولاهلة
كام واحد باع صحابة بالذات اللى كانوا يستاهلوا
كام واحد اختار دنيتة
كام واحد اختار اخرتة
كام واحد عايز الاتنين بس الدنيا لهتة
طب مين طب اية طب لية وازاى ( كام واحد مننا )
طب مين طب اية طب لية وازاى ( ويسلم نفسة للحياة )
طب مين طب اية طب لية وازاى ( وامتا حنسكت على دا )
طب مين طب اية طب لية وازاى ( لا لا لا لا لا )

جميع كلمات اغاني فريق mtm

mtm .. ليه تشكى

تاكي :
ابقى كداب لو قلت في مرة اني نسيت ايام زمان .. مهما كان مش هنسى صحابي القدام الايام بتعدي و الحياة بتستمر دلوقتي بس عرفت ان انا كبرت ابتديت دلوقتي افهم معنى كلمة المصالح .. ناس تبقى اصحابك بس الكذب في عينهم واضح .. واضح ايه جواهم و اللي كانوا فاكرينوا سر حاولت كتير معاهم و استحملت ممكن اكون صغرت في عينهم بس خلاص ما بقاش يهم مش هسأل ليه بيقولوا عليا كلام زي السم مش مهم مين يتكلم مش مهم مين ينم المهم ان المهمة بتاعتي لازم تتم سيبكوا من الكلام بقى سيبكوا من الفضايح سيبكوا من الكذب انتوا بتلعبوا في الوقت الضايع على العموم كله رايح مفيش فايدة من النصايح .
مايكي :
ليا واحد صاحبي قريب جدع كويس و كمان طيب و نتيجته في الكلية زي ما هي دايما جيد بيحب واحدة زميلته يعرفها من يوم ما قابلته هتقولوا لي ايه مشكلته مشكلته يا جماعه مع عيلته انا مش فاهم ليه مصرين انه يتجوز بنت خاله قال ايه كانوا متفقين طب بس وهو ماله دلوقتي قاعد حزين مابيتكلمش و قاعد في حاله بقى عامل زي المجانين هيرحب بالموت لو جالوا
محمود :
شديت بسبوري و خدت الفيزا اهوه جه دوري اروح امريكا ارض الاحلام بلد الافلام و متنساش المزيكا . مكنتش عارف رايح فين او هجيب فلوس منين كل اللي انا كنت عايزه اني اتصرف في قرشين كنت حاطط في دماغي اني اعيش يومين كنت فاكر اني هعمل من الالف الفين و دوخت على شغل و رحت و جيت كتير و دقت هناك المر و شفت اني اسير لناس ملهاش كبير لناس ملهاش ضمير لناس ما بتتمناش لحد غيرها خير و كانت ضربة قاضية يوم مرحلوني رجعت و ايدي فاضية ده غير كمان ديوني جنوني و الفلوس عموني صدقوني حقكوا ادهوني

جميع كلمات اغاني فريق mtm

mtm .. ملكش فيها

بس سكوت مسمعش صوت
انا نفسى افهم ليه نسيب الوقت يفوت
كلنا هنموت ونترمى فى التابوت
ساعتها مش هتفرق كنت فرخه او كتكوت مظبوط
مانت عارف كده كويس
بس عادى بتفضل هادى
والمهم انت مهيس
مش شايف قدامك مش فاهم كلامك
قولى لامتى هتفضل عايش رايق ومصدق اوهامك
الحياه قدامك احسبها صح
فيه حاجات كتير انت بتعملها ماتتصلحش
الل راح ماجاش واللى جه مارحش
ممكن تنام متقومش
ممكن تنزل ماتروحش
هيه دى الحياه
مأساه ورا مأساه
واللى راح راح خلاص لازم ننساه
واللى ربنا اداه وف وقت الدنيا تاه
لما ينزل تحت الارض مش هياخد حاجه معاه
لما حاجه واحده تبقى واخده كل عقلك وحياتك ناسيها
وفاكر ان عادى لما تقسى على اهلك يبقى مالكشى فيها
لو بيتهيألك انك قادر تنسى مشاكلك وتفضل مقضيها
دلوقتى نقدر نقول من شكلك انك ملكش فيها
ركز اسمع بص وشوف
حاجه تانيه غير المألوف
من غير خوف من غير كسوف
راح اول لكم انا ليه مخنوق
ودانى مش سامعه وعينى مش شايفه
الا كلام فاضى ومواضيع هايفه
وبنات سايبه وولاد مش فايقه
واهالى رايقه مبقتشى خايفه
واللى زايده الطلبه الخايبه
الدروس مش جايبه فايده
واتارى كل الناس متضايقه
حاجه خلت دماغى تايهه
نفسى الاقيها واخبيها
من كل الدنيا وبلاويها
لو ما فهمتش ايه اللى فيها
يبقى معندكش سرعة بديهه وملكش فيها
فكر مره والتانيه قبل ماتاخد اى قرار
خليك فاكر كل دقيقه وكل ثانيه ليل ونهار
الدنيا دى غريبه تثبيته وحوار
كله نفسه يغير الحقيقه بزرار
مابقاش للواحد صاحب يستأمنه على الاسرار
كله عايز مصلحته
القط بياكل الفار
حط فى الاعتبار سرقة الافكار
اى حاجه بتطلع موضه كله بيمشى مع التيار
باختصار ان الحكم بالدولار
حتى اتفرج على نشرة الاخبار
ولما حاجه واحده تبقى واخده كل عقلك وحياتك ناسيها
وفاكر انه عادى لما تقفش على اهلك يبقى ملكش فيها
ولو بيتهيالك انك قادر تنسى مشاكلك وتفضل مقضيها دلوقتى
نقدر نقول من شكلك انك ملكش فيها

جميع كلمات اغاني فريق mtm

mtm .. بتهتهى فى الكلام

زهقت خلاص زهقت
قلتلك زهقت بقولك زهقت زهقت زهقت
زهقت من تصرفاتك من حوراتك من كلامك عن حياتك
كده كترت غلطاتك
زهقت من صحابك من علاقاتك
وعلاقتنا كده باظت وانتى عارفه ان انا قاصد
كل جمله كل كلمه كل حرف
كل حاجه بتعمليهالى بتعمليهالى على شرط
وانا عمرى ما قصرت عمرى ما استخسرت
كان ذنبى لما اخترت يمكن اتهورت
دلوقتى فوقت عرفت ان ده مش حب
دى مصلحه
وكنت بقول لنفسى يمكن مش قصدها
دلوقتى بانت على أصلها
واللى حصل للى قبلها دلوقتى هيحصلها
والكلام ده هيوصلها دى حقيقه مش كابوس
انتى سبتى حبى ورحتى اخترتى الفلوس
وكنتى فاكره انى هرجع لما تدعكى الفانوس
لا ده كان زمان
دلوقتى كلامك مش محسوس
لما اسألك رايحه فين بتهتهى فى الكلام
لمااسألك جايه منين بتغيرى فى الكلام
اى حاجه كل حاجه بتتلجلجى فى الكلام
اصل انتى عندك عاده بتحورى فى الكلام

بتهتهى فى الكلام بتغيرى فى الكلام
بتتلجلجى فى الكلام
اصل انتى عندك عاده بتحورى فى الكلام
ليه متردده بين ده وده بالشكل ده
اقولك سلام متلهوجه مشفتش حاجه زى كده
متلجلجه فى الكلام اقول لك حاجه بقى من غير زعل
انتى ما فيش منك امل
متسرعه وقوام قوام ترجعى فى كلامك هوا
ممكن تقولى ان انا مجنون
بس انتى كلامك مش مفهوم
دايما زهقانه ومش فى المود
والحورات معاكى ملهاش حدود
قولتلك قبل كده متخلينا اصحاب
رجعتى تانى عملالى حوار
مش هصدق كلامك تانى
حبك جد ده ولا هزار
بتهتهى فى الكلام بتغيرى فى الكلام
بتتلجلجى فى الكلام
اصل انتى عندك عاده بتحورى فى الكلام
متقلبه خليتى حياتى معاكى متشقلبه
والمشكله ان مافيش حاجه مترتبه
لو هنفضل على كده
كل سنه وانتى طيبه
مش قادر اعيش مع واحده بشخصيتين
مش عارف اركز مع انهى واحده من الاتنين
لو غبت عنها يومين بتقولى كنت فين
بعدين تغيب شهرين كله كويس فى الحالتين
خلاص زهقت من التفكير الكتير
دلوقتى هقولك قرارى الاخير
اذا كان حبنا مكتوب الفراق هوه المصير
هتفضلى زى مانتى مفيش امل من التغير
لو هيه دى الحياه انا جبت اخرى بجد
استحملت كتير معاكى كل حاجه وليها حد
طريقنا كان مفتوح دخلتينا فى حاره سد
متدافعيش عن نفسك مش مستنى منك رد
لما اسألك رايحه فين بتهتهى فى الكلام
لمااسألك جايه منين بتغيرى فى الكلام
اى حاجه كل حاجه بتلجلجى فى الكلام
اصل انتى عندك عاده بتحورى فى الكلام
بتهتهى فى الكلام بتغيرى فى الكلام
بتتلجلجى فى الكلام
اصل انتى عندك عاده بتحورى فى الكلام

جميع كلمات اغاني فريق mtm

mtm .. خلينا اصحاب وبس

قولتيلى خلينا اصحاب ومش بتتكلمى
بشوفك كل يوم بتعدى ومش بتسملى
اتغيرتى واتغريتى وابتديتى تتعملى
حاجات مكنتش اتخيل انك ممكن ليها تستسلمى
عايزه تستفزنى والمشكله ان انا عارف ان هيه بتحبنى
وهيه عارفه نقطة ضعفى والحاجات اللى تجننى
تقعد تشتغلنى فى المواضيع اللى تهمنى
بس اصحابك بيقولولى كل حاجه بتقوليها من ورايا
وانك نفسى ترجعى كل لحظه عشتيها معايا
ازاى اعيش حياه وانتى مش فيها معايا
قوليلى بقى ليه قولتيلى
خلينا اصحاب وبس
بقالنا سنه مع بعض عايشين فى هنا مع بعض
كنت دايما فاكر ان البعد صعب
اكتشفت حاجه تانيه
شفت الدنيا غير الدنيا
عرفت معنى ان واحده عاوزه تبقى جنبك كل ثانيه
شفت الحب اللى بجد حب حب بيتجدد وانتى حبك اتهد
وانا حبى بيتهدد
دلوقتى عايزه ترجعى
لحياتك اللى فاتت زكرياتك اللى تاهت فى الضباب
لا ده حتى ماينفعشى نبقى اصحاب
جايه تقولى تانى
خلينا اصحاب وبس
من كتر ماارتبطت بصداقات
واتورطت فى علاقات
اتحورت تفاهات واتطورت خلافات
بقيت اخاف من الارتباط
مابقتشى عارف الفرق بين الحب والصحاب
من اول مره شفتك وانا برتاحلك
عاجبنى فيكى صراحتك وانك عارفه فين مصلحتك
حسيت كذا مره ان انتى عايزه تبقى حره
خلاص براحتك بس ياريت تدينى فرصه انى اشرحلك
واوضحلك ان الحب ده مش ساهل
وانتى الانسانه الوحيده اللى تستاهل
وانا عندى حل وحد بس للمشاكل
خلينا اصحاب وبس

جميع كلمات اغاني فريق mtm

mtm .. كلمه مقولتهاش

فيه حاجات ممكن تتنسي
فيه حاجات مابتتنسيش
برده الواحد مهما مشى
الطريق ما بينتهيش
فيه حاجات ممكن تتنسى بس بنفتكرها ساعات
مهما الوقت فات برده بتفضل ذكريات
عمرك حسيت انك ندمان على كلام كان لازم تقوله
أوقات شفت الحظ بعينك مقدرتش تطوله
كل اللي بيحصلنا مكتوب لنا ده القدر
حتى لو معاك شمسيه مش هتوقف المطر
اتخلقنا من التراب وهنرجع للتراب
الموت بيفرق بين الاهل والوقت بيفرق بين الصحاب
فيه ناس كان نفسي يكونوا جنبي دلوقتى
وهما دول الناس اللي أنا ليهم رسالتي
أنا مش عارف ليه أنا كنت خايف أقول إن أنا اسف… أنا اسف
أنا اسف في كلمة
كلمة ما قلتهاش
اه لو كنت قلتها
كان اليوم ده ما جاش
جرب تسأل نفسك مرة
بطل تتهرب من نفسك مش حتبقى حرة
إلا لو جربت بنفسك
تتعرف على كل الناس
تتكلم مع ده وده
تكره ناس وتعز ناس
وناس تروح على سهوة
تعمل إيه لو كنت مكاني
أعز أصحابي بقى واحد تاني
كان نفسي أفضل جنبه
يمكن يسمع كلامي
دلوقتي ضميري بيجرى ورايا
عشان أخويا بيضيع قدامى
عشان سنين قضاها معايا
كانت أحسن أيامي
كلمة ما قلتهاش وكان نفسي أقولها له
عندي إجابات لأسئلة شاغلة باله
لو هو سامعني أنا بقول أنا غلطان
أنا اسف في كلمة
كلمة مقولتهاش
اه لو كنت قلتها
كان اليوم ده ما جاش
فيه حاجات ممكن تتنسى
فيه حاجات مابتتنسيش
برده الواحد مهما مشى
الطريق مبينتهيش
بقالنا كتير ماتكلمناش
كتير مااتقابلناش
ذكرياتنا منها اللى اتنسى
منها اللى عاش
كان نفسنا نكمل ملحقناش
ويمكن ده كان احساسى انا بس
كانت كلمه ماقولتهاش
فرصه ماخدتهاش
والنتيجه ان انا ندمان
والحقيقه ان انا انسان
مش غريب ان انا غلطان
الغلطة انى سكت
وانى عمرى ما اتكلمت
ولما جاتنى الفرصه انى اعمل حاجه استسلمت
لو كان بإيدى دلوقتى انى ارجع الوقت
كنت رجعت للوقت لما كان حبنا بجد
لكن مستحيل انى اغير الحقيقه
الموت خدك منى ومبقاش ليه حد
انا اسف فى كلمه
كلمه مقولتهاش
كلمه لو كنت قولتها
كان اليوم ده مجاشى
فيه حاجات ممكن تتنسى
فيه حاجات مابتتنسيش
برده الواحد مهما مشى
الطريق مبينتهيش
أنا اسف في كلمة
كلمه مقولتهاش
كلمه لو كنت قولتها
كان اليوم ده مجاشى

جميع كلمات اغاني فريق mtm

mtm .. تلفونى بيرن

تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم
تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم
تليفونى بيرن ترن ترن ترن
والنهارده يوم اجازتى وانا بستجم
مخلص كل شغلى ومش رايح الجيم
ومش طايق اى حد يقولى بم
لازم اخرج مع صاحبتى
طبعا بعد ما اصلح عربيتى
كل دقيقه تليفون من ده ودى
طب كده تمام الشحن فضى
اسمع رنة تليفون مش قادر
مش عايز مش سائل مش فارق مش فايق
متضايق مالآخر مش مهم
تليفونى بيرن ترن ترن ترن عمال يرن
تليفونى بيرن ترن ترن ترن بس مش مهم
امى مسافره بس النهارده انا عندى مذاكره
عندى امتحان بكره شكرا
مش نازل قبل ما اجيب ورق المراجعه
كل اصحابى عيال فاقده
مالهومش لازمه فى اللجنه
والجو ساقعه مش عارف انزل ولا لأ
انفض احسن كده كده مش فارقه
كل اما اجى انام تليفونى ما يسكتشى
والرنات اللى عليه بتخض
نفسى الشبكه متلقطشى
تليفونى بيرن بس مش هرد
تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم
النهارده يوم اجازتى النهارده يوم اجازتى
قلت لأمى اعمليلى محشى لو سمحتى عشان وحشنى
تليفونى مقفول بقاله اسبوع عشان انا فى الجيش وهناك ممنوع
دلوقتى بأدى الواجب الوطنى لوحدى
ادونى مساحتى سيبونى براحتى
نفسى اقعد مع اهلى واحكى
رنات مسدجات ليل ونهار
زمامير صفافير طوابير هنهار
لقاءات حوارات شركات اعلانات
عايزين اغنيه للتليفونات
تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم
انا عندى خط بيزنيس مش بتاع رنات
بقعد بالساعات اعمل مكالمات
زهقت كل شويه الناس تدينى مسدات
ايه ده انت خط طبعا يبنى
طب هات اعمل مكالمه مش هتأخر عن دقيقه
اصل متعرفشى اللى حصلى فى الحقيقه
هكلم المطافى عشان فيه حريقه
يا عم فكك منى دانتو ناس خنيقه
اتخنقت من كتر المعاكسات
بنات معجبات حوارتهم فاكسه
هغير نمرتى عشان صاحبتى قافشه
سورى سورى صاحبتى قافشه
تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم

جميع كلمات اغاني فريق mtm

mtm .. دى مناظر

برنامج المناظر على قناة ام تى ام
مساء الخير عليكم النهارده فى برنامجنا النهارده
فى حلقتنا النهارده عن المناظر والمظاهر
ومعانا النهارده نموذجين من الشباب
معانا الشاب الهاى كلاس والشاب الموبيىء
وطبعا معانا الدكتور اللى هيحلل شخصياتهم
يلا بينا
دى مناظر ده شاب راسم دور الواصل
دى مظاهر والظاهر ان ده اللى حاصل
دى مناظر ده شاب راسم دور الواصل
والشاطر اللى يهزله راسه يقوله حاضر
ممكن نتعرف بيك
انا شاب روش اشطه طحن بيس موت فل حبس
ايه يا فالف يا نجم يا مان
بسافر كل حته وعندى بدل العربيه خمسه وسته
سبعه أوتمانيه أوتسعه مليون جنيه فى الخزنة
من فرنسا بدله ومن ايطاليا جزمه
دادى جايبهملى والثلاث فيلل اللى فى المعادى سايبهملى
ده غير المجوهرات اللى مامى شايلاهملى
بعد ما سمعنا الشاب الكلاس نسمع رأى الدكتور خلاص
معاك حاجات كتير بس مش بتاعتك
دى مش عربيتك دى مش ساعتك
مابتعملشى حاجه لحالك لازم داداى يعملهالك
او انكل او خالك ماهى سهله بالنسبالك
بتتسلسف فى الكلام ومش عارف ايه معناه
دايما صوتك عالى عشان تلفت الانتباه
بتقول بؤيين بعد يومين نفس البوؤيين
عرفنا داداى ومامى انت رحت فين
دى مناظر ده شاب راسم دور الواصل
دى مظاهر والظاهر ان ده اللى حاصل
دى مناظر ده شاب راسم دور الواصل
والشاطر اللى يهزله راسه يقوله حاضر
نتعرف بيك انت كمان
متعود على طول استلف حاجات صحابى
التيشرت ده بتاع ماجد والموبيل ده بتاع رامى
وطبعا هارجعهم عشان انا مش حرامى
انا عايش حمله هوه ده نظامى
عربيتى جامده بس عليها اقساط
عموما مش مهم كله بيمشى بالعلاقات
بعيش دور الواصل دايما قدام البنات
لما لما نخرج دايما دايما هما اللى بيدفعوا الشيكات
انا معايا شهاده بس عاطل
بسلك فى كل حاجه بالمناظر
وعلى فكره يا رامكى موبيلك اتصادر
محدش يعرف ياخد منى حق ولا باطل
بعد ما سمعنا الشاب الموبيىء نسمع رأى الدكتور
تماحيك تماحيك تماحيك
اهم حاجه عندك انك تبقى شيك
ويقولك يبنى انا شاب استايل
مش لاقى ياكل بس معاه موبيل
الشخصيه دى هتلاقيها فى كل حته
ممكن يبقى قصير ممكن يبقى جته
واقف بره النادى او قدام المول
اعرف على طول ان ده شاب جندول
دى مناظر ده شاب راسم دور الواصل
دى مظاهر والظاهر ان ده اللى حاصل
دى مناظر ده شاب راسم دور الواصل
والشاطر اللى يهزله راسه يقوله حاضر
ايه انت فاكر نفسك ايه
انت شاب منافق واهو باين عليك
معروف انك كداب من الناس اللى حواليك
مبتبصش قدامك بتبص تحت رجليك
والحقد اهوه باين جوه عينيك
خدت اللى ليك ونسيت اللى عليك

جميع كلمات اغاني فريق mtm

mtm .. زى مانت عايز

ى مانت عايز انا عن نفسى دايس

مايكى :
مايكى هيبدأ الاغنيه دى
اللى سماعنى يرفع ايديه
يرفع ايديه لفوق
انا وتاكى ومحمود
اتفقنا على تلات شروط
هنفضل مع بعض لحد مانموت
ولا حاجه تفرق لا لا نوو
احنا دايما مع بعض
حتحاول توقع بينا صعب
ام تى ام واقفين على الارض
لا لا لا لا صح صح فوق
كنت واقف قدامى او جنبك السماعه
كده يوصلك كلامى
بالعافيه او بالذوق
زى مانت عايز انا عن نفسى دايس
محمود :
ازيك ايه الاحوال
لو صحفى عنده سؤال يرفع ايديه لفوق
كله تحت السيطره ظابط كل حاجه بالمسطره

ابعد عن السماعه خطوه لورا احسن تقع وتدوخ
بقالنا كتير مستنين لفينا كتير على منتجين
احنا اصحاب من تمان سنين ماتغيرشى الموضوع
احنا مش مطربين سمونا زى ما تسمونا خليكم مستنين
تاكى جاى اهوه
زى مانت عايز انا عن نفسى دايس
تاكى :
تاكى وسع يابنى تاكى جه
ماتسألشى فين ماتسألشى ليه
ارفع ايدك لفوق
الشهره انا مش عاوزها
مش عاوز ولا نكله لو كانت هتوقع بينا
خليها احسن تروح
لو كنت اى واحد فى الحفله او بعربيتك او فى الزحمه
مشى ايدك مع الصقفه
قولى ايه رايك فى الوقفه عجبتكم ولا لأ
كل الناس اللى قاعده ساكته تقول بأعلى صوت
زى مانت عايز انا عن نفسى دايس

جميع كلمات اغاني فريق mtm

mtm .. روح بدرى

اول حاجه احب اشرح معنى كلمة افتكاسه
متقلقوش يا جماعه ملهاش دعوه بالسياسه
افتكاسه يعنى لما تعمل فكره فى الخباثه
ويمكن انا مش فاهم ايه معناها اساسا
رايح فين وانت مالك
راح فين وانتى مالك
النهارده ماتش الاهلى والزمالك
وانا قاعد فى المقصوره جنبى ناس مشهوره
وجبت معايا كاميرا عشان اخد معاهم صوره
ابويا واخويا وبقية العيله
عايزنى اتفرج معاهم على ماتش الليله
قلت لازم افتكس افتكاسه يعنى حيله
قلتلهم واحد صحبى اتعور طلعتله بقليله
المهم الماتش ابتدى وانا قاعد فى المدرج
لقيت عمرو دياب قاعد جنبى بتهرج
الكاميرا فضلت ثابته علينا مش بتتحرك
وطبعا ابويا قاعد فى البيت بيتفرج
وعلى طول روحت البيت ابويا قاللى شرفتنا
وعشان هربت مننا مانتش بايت هنا
قفل الباب فى وشى فتحوا جيرانا اللى جنبنا
قالولى يا حبيبى يانى تعالى بات عندنا
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
مش عايز ابقى روش ولا عاوز العب تنس
انا بس نفسى اسهر من غير ما تقفش
مشكلتى مش فى اهلى دى فى اخويا الحمش
كل اما اجى افتكس افتكاسه تتهرش تتقفش
والمصيبه انى بروح كل يوم فى المعاد
نفسى مره اسهر بره والليله دى بالذات
اخويا قالى روح بدرى عشان عندك امتحانات
وهوه بيقضيها بالساعات يلعبوا استميشن
والنهارده محمود عامل دورة بلاى ستيشن
نفضت لاخويا ورحت لمحمود
ابوه قالى بايت بره ومطرود
نزلت خدت تاكسى قعد يفسحنى ويأخرنى
واما طلعت بيتنا اخويا شافنى وقالى ما بدرى
هخلى ماما تحبسك فى البيت اسبوع
اديته ورقه بميه راح مقفل على الموضوع
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
بمناسبة تخرجى السنادى
اصحابى علمولى حفله فى فلله فى المعادى
قايل لاهلى فى اسكندريه عادى
راحوا كلمونى فكرونى بمعادى
ابويا قالى ارجع بدى يابنى
ياما مش هتدخل البيت ده تانى
وهوه لسه قافش منى من ساعة ما ابتديت اعمل اغانى
اخدت الكلام ده زى البوكس فى سنانى
اتخنقت وخدت بعضى ورحت قايم
ركبت عربيتى اللى على طول بتعانى
الكوتش ضرب والاستبن نايم
الازاز مكسور والكاسيت مسروق
رحت القسم عملت محضر
روحت البيت فى المعاد مظبوط
لقيبت ابويا نايم بيشخر
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل ماجى افتكس افتكاسه تفكس منى
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل ماجى افتكس افتكاسه تفكس منى

تعرف ايضا علي كلمات الاغانى التاليه ..

كلمات أغنية محبتش رامي صبري 2017

 كلمات أغنية ما فيه أحد راشد الماجد 2017

 كلمات أغنية يا كل عمري راشد الماجد 2017

بقلم ..

sandy

 

اضف رد

لن يتم نشر البريد الإلكتروني . الحقول المطلوبة مشار لها بـ *

*