أخر الاخبار
الرئيسية / كتابات / أشعار وحكم / عن حياة الشباب

عن حياة الشباب

عن حياة الشباب

كل ما شاب ياخد خطوة الالتزام .. صلاة وصوم ويدى دينه اهتمام.. و يبتدى يحس جوا قلبه بالايمان .. يرجع من تانى يوم ويحن لأيام زمان

يرجع من تانى يعاكس و يعمل غلطات .. ولا عنده مانع يحكى و يألف حوارات ..يتسلى بقلب بنت و يضربله سجارة بنى .. و يرجع تانى  يواصل أسوء السهرات  
 
وبسرعة ينسا خوفه من يوم الحساب .. و ساعات بينسا حتى انواع العذاب .. إلحق حياتك و انجد نفسك يا بن آدم .. انا قصدى انى هوعيك فـ الراب

قوللى هتعمل ايه لو قومت يوم و لقيت .. جسم ف تابوت و صويط ف البيت .. و عمال تأنب نفسك و تتمنا تانى ترجع .. لكن مبقاش يفيد تقول كلمة ياريت

كام مرة تنوى انك هتكون إنسان جديد.. و ف كل ليلة و قبل النوم نفس الكلام تعيد .. وف تانى يوم بتنسا وتعمل كوم معاصى .. و تبص ليوم نهايتك على انه يوم بعيد

و تمثل على غيرك ان انت سعيد .. لكن جوا نفسك اكتئاب عمال يزيد .. عشان انت بتعمل اللى يرضي وقتك .. بس عن ربك انت لسة بعيد

ليه بتنسا يا ابن آدم ان روحك آمانه .. والامانة لازم تصونها والا دى تبقا خيانه .. إلحق نفسك يا ابن آدم وارضى ربك .. عشان نظرة إلهية يوم القيامة

ماتضيعش ف وقتك و تقول دى كحرته .. و حجتك اصل الحياة على طول ملخبطة .. هقولك ان ف يوم قربت  من اللى خلقك .. كنت تبطل فيها يابن ادم شعبطة ..و كنت تشوفها بقت متظبطة معاك

قوللى هتعمل ايه لو قومت يوم لقيت .. جسم ف تابوت و صويط ف البيت .. و عمال تأنب نفسك و تتمنا ترجع .. لكن مبقاش يفيد تقول كلمة ياريت

      Don’t forget your fear , always whisper in your ear
Allah see you everywhere
And U won’t always be here

تعليق واحد

  1. <3 TesLam edak ya KBeeeeeR

اضف رد

لن يتم نشر البريد الإلكتروني . الحقول المطلوبة مشار لها بـ *

*