أخر الاخبار
الرئيسية / ادم وحواء / اهم 6 فوائد للشوربة حصريِاً

اهم 6 فوائد للشوربة حصريِاً

download (1)

الشوربة من الاطباق الاساسية على اغلب السفرات في شهر رمضان بشكل خاص اغلبنا بيحب يبدأ الاكل بطبق الشوربة لكن الشوربة غير ان طعمها لذيذ ليها فوايد صحية كتير جدا وكتير من الدكاترة واخصائيين التغذية بينصحوا ان لازم اننا نبدأ وجبة الفطار بطبق الشوربة وده لفوايدها الكتير اللي احنا هنعرفها مع بعض في موضوعنا..

*  فوائـــــــد الشــــــــــــوربة:

1- لما نبدأ وجبتنا بطبق الشوربة ده بيساعد انه يدفي المعدة وبيهيئها انها تستقبل باقي الطعام وبالتالي هيمنع المغص او التقلصات اللي ممكن تحصل للمعدة لو اكلنا الاكل على طول وده بيحافظ على صحة الجهاز الهضمي ويخليه يشتغل بشكل سليم وصحي..

2- بتعوض الجسم بالسوائل اللي فقدها طول فترة الصيام لانها بتحتوي طبعا على نسبة عالية من المية وده كمان بينعكس على البشرة بشكل ايجابي وبيغذيها وبيخليها صحية..

3- تعتبر الشوربة بكل انواعها سواء شوربة الخضار او اللحوم او البقوليات وجبة صحية جدا لانها غنية بالفيتامينات والمعادن اللي بيحتاجها الجسم اللي بتديه طاقة وتخليه يقدر يتحمل فترة الصيام وكمان لانها بتتطبخ بطريقة بتحافظ على قيمتها الغذائية وبالتالي بتفضل محتفظة بكل الفيتامينات والبروتينات والمعادن اللي فيها..

4- طبق الشوربة وخصوصا شوربة الخضار غني جدا بالالياف الصحية والمعادن والفيتامينات اللي بتحافظ على صحة الجهاز الهضمي وبتمنع انتفاخ المعدة والامساك وطبق من شوربة العدس غني جدا بفيتامين ج وشوربة الفراخ والارز غنية بالبروتين والنشويات والحديد ده غير ان اكل الشوربة في بداية الوجبة بتاعتنا هيخلينا ناكل اقل لانها بتدي شعور بالشبع..

5- وتعتبر الشوربة تاني اهم وجبة بعد التمر بسبب الفيتامينات وكل الفوايد اللي احنا قولنا عليها..

6- واخر نصيحة اننا نعمل الشوربة بالخضار الطازة في البيت ونبعد عن الشوربات المجففة او المحفوظة لانها مافيهاش اي فايدة غذائية ولا اي فيتامينات ده غير ان بيكون فيها كمية ملح عالية وده هيسبب لنا الشعور بالعطش خلال فترة الصيام..

اضف رد

لن يتم نشر البريد الإلكتروني . الحقول المطلوبة مشار لها بـ *

*