أخر الاخبار
الرئيسية / ادم وحواء / الحلقة الرابعة : الجزء الثانى البشرة الجافة وازاى تتعاملى معاها لنهال هشام

الحلقة الرابعة : الجزء الثانى البشرة الجافة وازاى تتعاملى معاها لنهال هشام

12234939_457401137794713_8769064290713155996_n

اتكلمنا عن البشرة الجافة وصفاتها فى الجزء الاول ودلوقتى فى الجزء التانى هانتكلم ازاى نهتم بيها 

نتكلم عن الروتين اليومي


1) الصبح اول حاجة تستخدمي غسول وش يكون مخصص gentle cleanser و يفضل لو كان الكيماويات فيه قليلة على قد ما تقدري. و تغسلي وشط بمية دافية او باردة.
2) بتسخدمي تونر للبشرة، و يفضل لو بدلتيه بمية ورد لأنها تونر طبيعي و مافيهاش كيماويات. استخدام التونر لأنه بيساعد المرطب انه يتخلل في المسام احسن.

3) استخدام التونر لأنه بيساعد المرطب انه يتخلل في المسام احسن.

4) بيبقى عندك نوعين مرطب، مرطب كُلي.. سواء لوشن خفيف او مرطب اقوى شوية. انا بحب استخدم Vaseline coacoa butter او Nivea Shea butter
و النوع التاني بيبقى مرطب قوي للنهار و غالبا بيبقى فيه معامل حماية من الشمس.. لو بشرتك مركبة و المرطب الكامل بيزيد في دهنية مناطق معينة، و ده بيختلف من بنت لبنت، ممكن تجربي تستخدمي زيت شجر الشاي على الT-zone علشان تمتص الدهون و تكتفي باللوشن الخفيف المرطب بس تحطي المركز على الأجزاء الجافة.

5) لو بتحبي تحطي فاونديشن، حاولي تبدليه بtinted moisturizer ، بيبقى غير ال BB cream مرطب و متضاف عليه لون يماشي بشرتك..

6) طوال اليوم حاولي تحافظي على روتين المرطب الكُلّي اللي يبقى معاكي في شنطتك و تحطيه على ايديكي و اي جزء باين من بشرتك علشان تحافظي على الترطيب، تشربي مية كتير.. و تاكلي أكل فيه فواكه و خضار كتير لأنهم فيها مضادات أكسدة من اللي بتساعد ضد التجاعيد و تحافظ على الرطوبة.

7) قبل ما تنامي تبلّي وشك بمية دافية ( فاترة) تستخدمي مزيل مكياج مركب.. زي nivea cleansing milk – makeup remover و تغسلي وشك بالغسول بتاع الصبح

8) قبل ما تنامي تحطي مرطب تقيل لقبل النوم، علشان بيساعد على تغذية وشك طوال فترة الليل.

الروتين الأسبوعي

1) روتينك هيختلف بالنسبة انه وشك مش هينفع تستخدميله سكربات تقيلة، فيا إما تمشي فوطة على وشك علشان تزيل الجلد الميت او تعملي سكربات منزلية خفيفة بالسكر البني، حاولي تحطي في بالك لو بشرتك مركبة هتتعاملي بمنطقين مع الجزئية الجافة بالراحة و بالفوطة ، و الجزئية الدهنية و خصوصا حوالين المناخير بسكرب كويس و ممكن فرشة سكرب.. على حسب احتياجك الشخصي.

2) انتي بتحددي احتياج بشرتك لحمام البخار كل قد ايه، لو بشرتك مركبة غالبا هتحتاجي حمام البخار اكتر من اللي بشرتهم جافة بس، لأنه غصب عنك هيبقى فيه نسبة زيوت و دهنية عند الT-Zone و بتتكدس مع الوقت.

3) يفضل لو تستخدمي ماسك مرطب بشكل أسبوعي، على حسب احتياج بشرتك.. مش لازم تعملي دايما معاها حمام بخار لو بشرتك مش مركبة ممكن تكتفي بمرة في ال3 اسابيع او الشهر. ممكن تستخدمي ماسكات من منتجات مختلفة برة خاصة بالترطيب، او تعملي ماسكات منزلية بوصفات مخصوصة للبشرة الجافة، و هتلاقي فيه منها عندنا ع الصفحة.
اللي بشرتهم مركبة.. يتعاملوا مع اT-zone اكنها دهنية و دايما يجيبوا ماسكات تقشير، peel OFF زي ماسك هيمالايا بالخيار و اللوز، من احسن ماسكات التقشير اللي جربتها،، لو تقيل على الجزء الجافة من وشك، استخدمي بس للT-zone و بعدين استخدمي ماسك مرطب على الباقي. من الماسكات الكويسة برضة ماسك العنب او ماسك الرمان من Oriflame و هم الاتنين فيهم مضادات للأكسدة و ديه نقطة Bonus لأي واحدة خايفة من تجاعيد مبكرة خصوصا بسبب البشرة الجافة.

مقال بقلم\ نهال هشام

اضف رد

لن يتم نشر البريد الإلكتروني . الحقول المطلوبة مشار لها بـ *

*