أخر الاخبار
الرئيسية / ادم وحواء / وصفات طبية وتجميل / الحلقة الرابعة : الجزء الاول البشرة الجافة وازاى تتعاملى معاها لنهال هشام

الحلقة الرابعة : الجزء الاول البشرة الجافة وازاى تتعاملى معاها لنهال هشام

12234939_457401137794713_8769064290713155996_n

نتكلم عن البشرة الجافة بقى ‏‎و ازاي نتعامل بشكل يومي مع الاجزاء الجافة في بشرتنا حتى لو مركبة .. هنتكلم ازاي نتصرف مع الجزء الدهني في الT-zone


البشرة الجافة ممكن تتعرفي عليها بأنها عكس مشكلة المسام الواسعة في البشرة الدهنية، المسام بتاتها ماسكة اوي في بعض لدرجة انها ممكن تلاقي مناطق بارزة شوية بتتسمى ( crocodile skin) و غالبا هنحسيها اخدت طبع باهت و ممكن تلاقي مناطق نشفة و مقشفة بشكل يشبه القشرة شوية..

الفكرة في البشرة الجافة هي الترطيب دايما، بشكل داخلي زي ما بتهتمي بالخارجي،، يعني ايه داخلي.. يعني تشوفي الجفاف ده ناتج عن ايه و تحاولي تحليه، الحلول الداخلة انك بتعالجي النقص بشرب كميات مية حوالي 8 كوبايات يوميا، و تعوضي الجفاف ده بانك تاكلي اكل فيه Omega 3 و أحماض دهنية زي انواع من المكسرات )fatty acids( اللي بتساعد البشرة انها تحفز الزيوت الطبيعية اللي فيها، و من الأكل اللي غني بأوميجا 3 انواع معينة من السمك زي السلمون و السردين، و زيت تباع الشمس و من المكسرات زي الجوز.

حاولي تجيبي حبوب مضادة للأكسدة من الصيدلية، لازم تهتمي بجسمك من جوا بانتظام زي ما بتهتمي بيه من بره.

التكنيك اللي مفروض تمشي عليها كروتين علشان البشرة الجافة،،

حاولي تقللي من الشاور السخن، و تحاولي تستغني عنه بمية دافية.. و لما تغسلي وشك يكون بمية باردة في الطبيعي..
لأن المية السخنة لفترات طويلة بتجفف البشرة، حاولي تقتصري في الشاور على 10-15 دقيقة لو المية سخنة.
• استخدمي منظف يومي مش قوي على البشرة، او صابون من غير كيماويات. خدي بالك ان بشرتك الجافة ممكن تتحسس من السكربات التقيلة لو بشكل يومي، و ممكن تستبدليها بوصفات منزلية طبيعية خفيفة لأنه إزالة الجلد الميت دي حاجة دورية، بس اعرفي احتياج بشرتك للعملية دي كل قد ايه.. و ماتهليكيهاش
• استخدمي المرطب بعد ما تنشفي على طول من الشاور في فترة لا تزيد عن 3-5 دقايق علشان جسمك يحتفظ برطوبته لأطول فترة ممكنة،،

هاكتبلك المواد اللي تدوري فيها جوا اي كريم مرطب علشان تعرفي اذا كان مناسب لبشرتك و يقدر يساعدها و اللا لأ،، مش لزام تشتري كريم غالي مادام فيه المواد دي..

Ceramidesبيساعد البشرة تحتفظ بالمية و يدي مظهر املس للبشرة،
النوع الصناعي منه بيقلد التأثير للنوع الطبيعي في الطبقة الخارجية فقط من الجلد فبيحافظ على المحافظة على الترطيب جواها.
• Dimethicone and glycerin. بتسحب المية لجوا الجلد و تحتفظ بيها
• Hyaluronic acid. بيساعد الجلد انه يحتفظ بالمية
• Lanolin, mineral oil, and petroleum jelly. بتختفظ بالمية جوا الجلد بعد خروجك من الحمام.

و طبعاً لازم تستخدمي عامل حماية SPF15+ سواء لوشك او جسمك للمناطق المعرضة للشمس، علشان تحميها من الجفاف

انتظروا باقى اجزاء الحلقة الرابعة وباقى الحلقات

لــ نهال هشام

اضف رد

لن يتم نشر البريد الإلكتروني . الحقول المطلوبة مشار لها بـ *

*