أخر الاخبار
الرئيسية / ادم وحواء / وصفات طبية وتجميل / 25 فائدة لزيت الشاى لازم تعرفيهم ترجمة نهال هشام

25 فائدة لزيت الشاى لازم تعرفيهم ترجمة نهال هشام

Tea-Tree-Oil-Bottle-1-1024x752

25 استخدام لزيت شجرة الشاي

بقالي فترة أكتر أسألة بتتسألني بتبقى إجابتها، زيت شجرة الشاي يا جماعة المركز مش مجرد منتج يحتوي عليه يعني
طيب ممكن نتعرف بقى عل زيت شجرة الشاي

ده اللي كل شوية طالعالكم بيه،
اول زيت شجرة الشاي معروف باسم تاني كمان و هو
“Melaleuca alternifoliais”

ده نوع من الزيوت ال Essential اللي بتستخدم كإضافة في الخلطات لريحتها و غير كدا بقى ليه خواص علاجية قوية جدا. الشجرة بتاعته موجودة بشكل طبيعي في استراليا فقط علشان كدا هو زيت نادر لكن هو من أرخص الزيوت الEssentials عامة في السوق.
معروف انه زيت شجرة الشاي هو الإجابة لمعظم أسألة البشرة ، مشكلة في البشرة + زيت شجرة الشاي = علاج لمعظم ( ان ماكنش أغلب) الحالات

زيت شجرة الشاي بيستخدم في الخلطات الطبيعية لأنه فيه مطهر (مانع عفونة) و مضاد فطري طبيعي و بيقلل الإلتهابات و التلوث. ده غير انه فيه خواص مضاد حيوي بتساعد في حاجات زي الحروق و القشرة و تلوث البشرة زي الحبوب و البثور و حساسية اللي بتسبب هرش.

( ملحوظة: مفروض ماتستخدميهوش على الأطفال اقل من 6 شهور)


1) بيعالج و بيخفف من حروق الشمس

2) بيعالج تلوث الجلد بشكل طبيعي ( حبوب، بثور، .. و غيره)

3) بيتخلص من الحكة بسبب طفح جلدي و بيقلله.

4) ممكن تستخدميه كمنظف متعدد الإستخدامات ( تملي إزازة رشاش بمعلقة لمعلقتين من زيت شجرة الشاي و تزودي الباقي مية و ممكن ترشيه على اي حاجة من اول السجاد للشبابيك.. لوشك 

5) بيعالج حب الشباب

6) بيمنع القمل بشكل طبيعي ( بتزودي كم نقطة على الشامبو في استخدامك العادي)

7) بيمنع البراغيث من حيوانك الأليف لو حطيتي منه نقطتين في سريره.

8) بيزيل حشرات القرادة، بانك تحطيه على بشرتك عادي.

9) بيزيل الفطريات المتكومة في الرجلين او الأظافر

10) بيساعد في إزالة الجلد الزايد
11) بيزيل الرائحة الكريهة للفم بشكل طبيعي ( حطي زيت شجرة شاي في حبة مية و اتمضمضي بيه ، لكن ماتبلعيهوش)

12) ممكن يستخدم في وصفة معجون أسنان منزلية
13) علاج كويس (للثآليل) نتؤات في البشرة

14) بيهدي قرص الحشرات

15) بيعالج مرض جلدي اسمه “القوباء الحلقية” ringworm

16) بيعالج أمراض جلدية زي الصدفية و غيرها…

17) بيريح الأزما و مشاكل التنفس التانية لو زودتي منه نقطتين في جهاز مرطب الجو اللي بيستخدم علشان يزيل الرطوبة.

18) بيستخدم كمطهر للجروح الصغيرة

19) بيخلي ريحة الحمام حلوة

20) في نقطة لقيتها برضه، بس انا مجربتهاش بشكل شخصي..بيريح آلام الأذن، ممكن تزودي نقطة من زيت شجرة الشاي مع معلقة زيت زيتون.. تحطي في ودانك و تشيلي بأنك تميلي راسك.

21) بيخلي الغسيل فريش و ريحته حلوة، ممكن تحطي نقطتين منه في الغسالة مع الهدوم او في دقيقتين التنشيف آخر حاجة. فيه اختراع كدا زي كور صوف بتتحط في الغسالة بتلقط الريحة ، او حت مع الغسالة بتاعتنا كور بلاستيك فيها اخرام و جواها سفنجة بنحط فيها الريحة،، و بتحطي عليهم نقطتين و تحطيهم مع الغسيل، ممكن تستخدمي اي essential oil زي زيت اللافندر و زيت الفانيليا و غيره، انا بجيبهم من زهور الريف في السعودية.

22) بيخخلي ريحة السجاد حلو بعد غسيله و بيشيل روائح الرجلين الكريهة

23) ممكن يستخدم في منظفات مطبخية كتير

24) بينضف العفن، بتزودي خل تفاح و عليه زيت شجرة الشاي و تدعكي الحاجة اللي عليها عفن. و بعدين تسيبيها تنشف في الشمس.

25) ممكن يستخدم في صنع مزيل عرق منزلي طبيعي

انتظرونا فى حلقات الجمال والعناية بالبشرة من الميكب ارتست نهال هشام

2 تعليقان

  1. وآآو ,, أول مره أعرف كل ده أنا كنت أعرف بس إنة مفيد للإذن وبيعالجها , نـايس معلوماات , تسلم إيدك يارب يعطيكِ ألف عافية .

  2. حبيبتى يا مورى بجد موضووووع مفيييد جدا ومعلووماته مفيده وتسلم ايدك ويارب تفدينا دايما بكل جديد

اضف رد

لن يتم نشر البريد الإلكتروني . الحقول المطلوبة مشار لها بـ *

*