أخر الاخبار
الرئيسية / كتابات / أشعار وحكم / لا يعرف معنى الحب

لا يعرف معنى الحب

شعر محمود مكاوى

جربت فى مره تطبطب على حبيبتك وقت زعلها
ولا انت مش فالح غير انك تضايقها وتجر شكلها
ولما ميحصلش نصيب تقول بسببها هى ومن افعالها
و لما تزهق منها تفكك وتدور على واحده تانيه بدالها

ما دام نزل دمعه حب من عينيها عمرك ما هتلاقى بجد زيها
كان نفسها تبقى العريس اللى ايديها على كتفه وايدك ع وسطها
دلوقتى تلاقيك بتحور على واحده تانيه وناوى تكسرلها قلبها
فى الاخر هتعرف ان فيه حب حقيقى انت ضيعته وتتمنى ترجعلها

بتنام مبسوط وسعيد وضحكتك جايبه من هنا لهنا مش هامك حاجه
جرحت قلب كسرت بنت نهيت حب برئ بكل بساطه  وسذاجه
بتقول عندك بنات كتير معاك فلوس كمان ما الدنيا دى مش محتاجه
للدرجادى معندكش قلب زى البنى ادمين ولا شايله وحاطت مكانه تلاجه

انسان بقى بيحور وبيجيب فى سيره حبيبته بكلام وحش قدام الناس
ولا كانت فارقه معاه من البدايه اهو اى حوار وارتباط و خلاص
ولا يسمع عن اصول ولا حتى بيت من بابه ولا اى حاجه من الاساس
ربنا يرحمنا من كل واحد بيفكر زيك ويحرق ده حب على ده احساس

بقلم / محمود مكاوى

4 تعليقات

  1. فعلا نايس كلام بجد , الدنيا بقت كلها حوارات , وبالنسبة لي أحسن حب هو الحب اللي يجي بعد الجواز على الأقل أكون ضامنة أني مسلمتش نفسي ليه بسهولة ” حتى لو في ناس بتسميه تعقيد ” , تسلم إيدك يارب .

  2. الحب لو مش بجد وبإحترام وفعلا يخاف علي حبيبته ويراعي ربنا فيها يبقي بلاه احسن وكل اللي هيعمله ف حبيبته او حتي البنات اللي بتتسلي اللي بتعمليه ف حبيبك كله هيتردلكم ف يوم من الايام .. ” كمان تدين تدان ”
    تسلم ايدك مكاوي ..

  3. نـــــــايس ميكو .. مش كل الشباب كده زى ما بردو مش كل البنات طيبه بس لازم نقدر نركز ف الاختيار ونفرق بين الحب والاعجاب علشان مش نتعلق بحد وبعد كده نقول ياااااااااااا ريت .

  4. نايس كلام جميل

اضف رد

لن يتم نشر البريد الإلكتروني . الحقول المطلوبة مشار لها بـ *

*