أخر الاخبار
الرئيسية / كتابات / بـرغم الإخـتـلآف , إحـنـا هـنحـب بـعـض .

بـرغم الإخـتـلآف , إحـنـا هـنحـب بـعـض .

هل-كيمياء-الحب-موجودة-فعلاً

 

 ” بـرغم الإخـتـلآف , إحـنـا هـنحـب بـعـض

الحياة , الحياة دي كبييرة وغريبة وغامضة عاملة زي الكون مهما هندرس فيه

ومهما هنكتشف فيه يفضل حاجة ” مجهولة ” وفي حاجات كثير معرفنهاش

ولا جربناها ولا بنتخيل إنها موجودة في الدنيا

بالنسبة لي أنا إنسانة دقيقة جداً , مش بتعامل مع أي حاجة عامة

كل حاجة بالنسبة لي أساسها بيكون صغير

لآن الحاجة المكتملة دي بيكون أساسها حاجة صغيرة وهيا اللي بتصنع الحاجة الكبيره دي .

 

يعني إتعلمنا في الكيمياء , إن بداية الـماده الكبيرة اللي قدامنا دي ذرات صغيره جداً

ومن الذرات دي أتعملت حاجة كبيرة باينة وشيفينها وبتختلف المواد

حسب إختلاف عدد الذرات والمسافات بينهم والمحيط اللي بيحيط بيهم هو إية

ومع إختلاف كل العوامل دي بتختلف صفات المادة دي وطبايعها 

معلش معلش هقصر مش هخليها حصة كيمياء عارفه إني بتفلسف حبتين 😀  “

 

بالضبط زي الناس , إنت مش هتقدر تعرف الإنسان ده إية

إلا لما تدخل في تفاصيلة , وفي ناس لازم تدخل

في أدق تفاصيلها زي الجمادات عشان تعرف هيا مين ” وممكن متقدرش

 لآن في كثير شخصيات بتكون حاطةحواليها ” كَـفَـرْ

 عشان تداري كل اللي جواها والشخصية دي مبتحبش حد يفهمها كثير

لآنها غالباً بتداري جواها حاجة وبالنسبة لها لما يجي حد معاه الوسيلة

إنة يشيل “ الـكَـفَـرْ ” ده من عليها بتقلق وبتـخـاف

وفي الحالة دي ممكن تتعامل بقسوة وممكن تكون ضد أحاسيسها 

بس أهم حاجة , الحاجة المداريه جواها تفضل ومحدش يعرفها

غير لما هيا تقرر ده  ” شخصية كتومة

 

وفي شخصيات عاملة زي ذرات الغاز سهل أوي إنك تتحكم فيها

 لان تفاصيلها بعيده عن بعض وده بيضعفها

وبيخلي الناس تقدر بكلمة , تغير مبادئها وأفكارها وقناعاتها 

مش هقول دي شخصية منحرفة أو مش واثقه من نفسها

دي شخصيات تايهة مش عارفة هيا فين ولا هتعمل إية

 زي العيل الصغير في أول يوم مدرسه مش عارف يعمل إية .؟!!

بس هو لآزم يكون في المدرسه 

فبتدور أقل حاجة تتعلق فيها عشان تحس بالامان وتحس إنها بخير .

 

وفي شخصيات عاملة زي ذرات الماء أو الحالة السائلة بالأصح

بتتشكل حسب اللي قدامها

ودي منقدرش نحكم عليها لآنها بتتعامل حسب اللي قدامها

بتبقا شخصية جميلة جداً لو حد إحترم ذاتها وإحترمها

وإحترم عقليتها بتكون راضية تماماً عنه

حتى لو إختلف عنها هتحترمة , بالنسبة لها كفاية إنة إحترمها فهيا كمان هتحترمة

وبتعمل العكس تماماً مع اللي بيعاملها بعدم إحترام

وخصوصاً ذاتها لآن في الغالب الناس دي بتكون بتقدس ذاتها

وبالنسبة لها إن الإحترام هو كل حاجة إحترمني أحترمك .

 

وطبعاً لآن لكل قاعدة إستثناء

أكيد في شخصيات كثير بعيده عن الشخصيات دي

وزي ما قلنا الناس زي الكون مهما درسنا فيه هنكتشف مواد جديده

والمواد دي بتاثر عليها عوامل وبيئات مختلفه  

يعني مهما فضلنا ندرس في شخصياتها هنلاقي شخصيات ثانية منعرفهاش

لآن كل واحد بيختلف عن الثاني وكل بيئة بتختلف عن الثانية

وكل فرح أو سعاده أو جرح و وجع بيأثر على الشخصيات

عشان كده هنلاقي حاجات عمرنا ما نتوقع إنها موجوده في الدنيا  

بس إحنا عايشين عشان نحاول نفهم بعضنا , ومش نزعل من بعض

حتى لو إختلفنا إحنا إتخلقنا لبعض

وياريت كلنا نبقا مختلفين بس بنحب بعض 😀 .

 

تعليق واحد

  1. جميل وفقكي الله يا اروي

اضف رد

لن يتم نشر البريد الإلكتروني . الحقول المطلوبة مشار لها بـ *

*